RObaWm

Kum khata ni hnuhnung ber, a ni 365na chiah, 31st December a lo thlen hi chuan ka rilruah Scottish thuhlahril phuah thiam, Charles Mackay a thuhlahril (poem) lar tak, The Miller of Dee kha ka hre chhuak leh thin Kum bi chhiara a ni hmasa ber, January 1 atangin mahni zawn theuhah, mahni phâk tawk theuhin, mahni theihna leh chakna ang zelin hma thar kan han la sang sang a. Chutiang chuan ni 365na, vawiin hi kan lo thleng ta hlawm a. Kum khat chhunga kan thil tih that leh kan thil tha tih emaw, kan thil tih sual leh kan thil sual tih zawng zawng pawh Pi Lalsangzuali Sailo hla chuai thei lo ang takin, Lal hmaa dinpui turin kum hlui ral mai tur chuan a her liampui leh ta ruai ruai mai. Kum thar hlima pawl hruaitu nihna chanvo chelh nawn leh chelh thar, rilru thar nena hma, nasa taka lak tum te khan vawiin, kum tawpni-ah hian an phurna leh thathona ang tak khan hma an la ta em ka hre lo! Kum thar thutiam nei zawng zawng te khan an thutiam an hlen chhuak vek ta hlawm nge pawh ka hre lo. Kumpu...

Nimin kha Ram leh Hnsm Inpumkhatna ni (National Integration Day) a ni a, kan college pawhin he ni hi programme tâwi tê siamin kan hmang ve a, thawhpui  te duhsakna zarah resource person niin thu te ka sawi ve ang láwp láwp a! He ni, 19th December hi Indian hmeichhe zinga Prime Minister dinhmun luah hmasa ber leh awm chhun, Indira Gandhi piancham hriatrengna atan hman thin a ni a. India rama chi leh hnam hrang hrang te inkara inremna, inlungrualna leh inpumkhatna a lo awm zel theihna chu he niin a tum bulpui ber a ni. Nimin kan hun hman hian inpumkhatna pawimawhzia leh tulzia min hriat chhuah thar tir hle mai... Ram leh hnam inlungrual lo leh inpumkhat lo an ding chhuak ngai lo. Khawvel chanchin hlui hrang hrang hi keu let ila, lal ropui, ram ropui leh hnam chak tak tak te tlukchhiat bul intanna hi an inpumkhatna chhist vang, an zinga anmahni hralhtu, phatsantu an lo awm vang a ni duh khawp mai. Ram leh hnam ropui leh chak te tukzaltu leh tlukchhiattirtu hi ralthuam tha ber ber leh ...

 Thi leh turin kan piang a Inthen leh turin kan intawng a Chuai leh turin kan vul a Sawprawp leh turin kan vanglai a Kumhlun lo turin kan indin a Tar leh turin kan puitling a Lungngai leh turin kan hlim a Awngrawp leh turin kan hrisel a Kalsan leh turin kan khàwl a Tlaran leh turin kan phuisui a Hlimthlaa chang turin hming kan chher a Táwpsan leh turin bul kan tan thin Chu chu a ni HRINGNUN chu!

Tunlai chu social media lamah naupang, kum 3/4 rual lek lek, sap tawng thiam satliah mai pawh ni lo, lam (accent) dik leh mawi tak tak hmuh tur an tam ta hle mai. Sap naupang nen danglamna an neih chu sap an ni ve lo va, chu zawng chu a ni deuh maiin ka hria! Heng te pawh hi IT hmasawnna in a rawn ken tel pawimawh leh tangkai tak a ni a. Tin, a tha lam thil a ni bawk a, a tha ka tiin, naupang te tan zirna peng pawimawh tak pakhat a ni. Chu tih ruala ka rilrua lo lang chu, tunlai naupang, sap tawng thiam leh a lam rik dan tur dik taka lam dik chat chat thei (ka sap tawng lam aia mawia lam naupang ka hmu teuh tawh!) te hian an sap tawng lam thiam leh thu mal thiam tluk hian an pianpui Mizo tawng hi an thiam ve tho em tih hi a ni. Ka fanu pawh hi kum thum a ni ve ta a, sap tawng thu mal thenkhat, youtube-a a en atanga a hriat a lam dan hi kei ai pawh hian zu nalh a! Chu tih rualin, a pianpui tawng, Mizo tawng hi a thiam bel loh mawlh hi ka lo hlau thin a. Mizo tawnga a tlukpui kan neih an...

Kum 1998a khatih laia India Prime Minister, PV Narashimha Raoa'n New Delhi-a North East State Chief Minister te nen an inhmuhkhawm tuma a thusawi lar leh ngaihtuahna ti thui tak kha kan tunlai boruak hian min hriatchhuah tir leh thin. Khami tum khan Prime Minister Rao khan North East mite leh mainland Indian te 'inkar' thiam takin heti hian a sawi a: "New Delhi-a cheng ten North East an mitthla a, a tlangpuia an rilrua lo lang hmasa ber chu a ram awmna hlat zawng/hlat zia (geographical distance) a ni a, chu chuan rilru-a inhlatna (mental distance) a hring chhuak thin. North East miten Delhi an mitthla a an ngaihtuahna-a lo lang ber chu hmasawnna-a an tluk loh zia leh phak loh zia (developmental distance) a ni a, chu chuan mahni inkhawngaihna, midang pha lo leh tluk lova inhriatna, rualawhna etc (emotional distance) a hring chhuak thin a ni" Kum eng emaw zat chhung All India Services leh Central Services (mi tam tak chuan heng service pahnih te hi thuhmun emaw kan ...

Social media that ve na riau chu duh duh kan râk pui ve mawlh mawlh thei lai hi a niin ka hria! Kan phak tawk theuha kan ngaihtuahna te han tlangaupui ve leh phawng phawng thin hian nun a ti hlim ve riau nia. Tun tumah pawh ka sawi avanga awmze awm hauh lo tur ka'n sawi leh hram teh ang! Covid 19 avangin college hrang hrang ten online hmanga zirna leh zirhona (webinar) kan kalpui nasa a. Kan college ngei pawhin thupui hrang hrangah, mi thiam tak tak te hmangin zirhona kan nei thin a, a hlawkthlak thin hle. Hman zanah  kan resource person pakhat chuan heti hian a sawi a, "Sawrkar hna that lohna pakhat chu kaisanna hi thiam leh theihnaa teh ni lova, thawh rei tawh dan atanga teh (promotion by seniority, not by competency) a ni hi a ni," tiin a sawi a, a dik thui hle dawnin ka hria. Mizo ten ze tha lo deuh kan neih pakhata ka hriat chu 'keini chu kan upa tawh' tih kan ching hi a ni. He tawngkam/zia kan chelek nasa lutuk hian ram hmasawnna thlengin a khawih buai phaa ...

Vawiin chu kan thawhpui, kan senior, kum 33 zet college zirtirtu hna lo thawk tawh Pu RL Chhuanawma, superannuation pensiona chhuak tur thlahna hun kan hmang a. Kan hnah hlui te an til ta pheuh pheuh a, kum tin kan inthlah chho zut tan ta, a khawharthlakin, an hmun ruak a zau dawn hle mai. Vawiina kan thlah tak, Pu RL Chhuanawma hian a thuchah hnuhnung chu hnukulh teuhin a sawi a, ka rilruah thu a sawi nasa viau mai. Thenkhat hi chu taksa bawrhsawmna leh rokhawlhna sawi tur em em nei chuang si lo, service laia pension (pension si lo, hnathawk chuang si lo!) hi kan awm thinin ka hria! Hetiang mi hi pension hreh ber leh hlawh thlahlel ber ber an ni duh zêk lehnghal a. Vawiina kan thlah tâk Pu RLa hnukulhna ki erawh a dang hle. Ani chu kum 33 a thawh chhungin a hna hi a ning ngai lo a ni mai lo, a dah pawimawh ber reng a. Tin, a thawhna hmun hi a in pahnihna a ni tih a chiang a, zirtirtu a nih ang leh a eizawnna a nih anga a mawhphurhna a hlen piahlamah, college hmasawnna leh thatna tur n...

 Ti lehpek teh ang! He covid 19 hri pui hian kan ram leh hnam hi min beng harh se a va duhawm tehreng em! A nihna takah chuan khawvel ram dang leh India state dang te pawh he hri pui leng avanga an buai nuai nuai tawh lai khan, keini ram chu him takin kan la awm a. Kan unau, state pawn atanga lo haw te zingah vanduaithlak taka vei te awm in, han chiai deuh mah ila, eng êm ti lovin kan la him zel a. Chumi hnuah sipai lo lut avangin kan state in covid 19 case kan neih zat pung chho hluaiin, vantlanga inkai darh hlauhawm tak dinhmunah te kan han din zuau zuau hnuah pawh, Pathian zarah anmahni sipai leh sipai bakah chuan vantlangah hri hi a darh lo niin a la lang ta zel a. Chutah le...kan ram kawng chhia, kum tam tak a chhiat ang anga ram hruaitu leh mipui te pawhin ngaia kan lo neih tawh, political ball atana kan hman thiam em em, kan kawngpui te chu an dan pangngaiin an han chhe leh ta a, an dan pangngai bawkin state pawn atanga Mizoram leh Mizo te nitin mamawh phurtu lirthei te an t...

Silchar thlang lama bungraw phurtu te, petrol leh diesel phurtu te...a tâwi zâwngin, nitin mamawh phurtu te an tihtauh ruala engkim tlachham nghal, hlauthawnga thil lei (panic buying) nghal chûk chûk hnam leh ram kan nih chhung hi chuan mahni tapchhak zâwlah inhrosa in, lo hâhum ve chiam chiam thin mah ila, kan hâhum ri hi a ring tak tak thei lo zawng chu a ni e! Covid 19 in khawvel pum a han nuai a, dân pangngaiin (ngaiah kan nei tawh ni hialin ka hria!) fur puiin kan kawng te a han sawp chhe leh tak tak chu kan buaina ngai bawkah kan buai leh a, kumtina khêl lova kan lo tawh ziah thin a ni tih hre reng chung hian enghelh berah kan la nei lêm hlawm chuang lova! Harsatna han tawh chiah hian keini hnam hi kan lo intodelh loh chikim zia hi a lo lang leh thin. Nawhalh fung khat takngial pawh siam chhuak lo, kan mamawh engkim state pawn atanga chaw lut ta chu hnam borual pawh han vaw alh ve viau thin mah ila, a mit leh rang thin teh e maw! A tel lova mi tam zawk kan awm theih loh, vawksa p...

Keini hnam hi thianza ho zinga a dawih ber, thian te zara eng emaw hleka lo pâwr ve viau, a saseh leh a tak ram a lo thlena thian te chhanchhuah leh ngai ziah te hi kan ang deuh rohin ka hria! UPSC results a han chhuak a, Mizo hming reng reng hmuh tur a awm lova. Chu tih laiin kan tlem pui, hnam dang thenkhata mite hming a lo lang a, kan helh leh viau lawi a! An taimak avangin anni chu an lang a, kan taimak tâwk loh (?) avangin kan lang ve lo a ni mai a, lo thik viau emaw, lo helh ve viau ringawt hian awmzia a nei thui lo angreng viauin ka hria. A saseh tak tak, a inelna mual tak taka hnehna chang hleithei mang si lo hian a kotlang atang hi chuan kan lo pâwr ve liau lawi a. Mahni ram chhung, tam ber kan nihna hmunah kan inhrosa a, hnam aiawhtu reng reng kan neih lohna leh kan mamawh ngawih ngawihna mual, UPSC mualah te, hnam dang nena inelna mualah te erawh thang kan chhuah leh hleithei der si lo.  Silchar vai an thinrim ruala kan rama thil man a to nghal zel zia te hi thangkhat ma...

Hun rei tak sawrkarin sum tam tak senga a buatsaih leh buaipui, Mizorama golf khelhna kan neih chhun, Thenzawl Golf Course chu 4.8.2020ah Union Tourism Minister, Prahlad Singh Patel chuan video conferencing hmangin a hawng ta rup mai. Mizoramin hmasawnna rahbi pakhat chu kan tuk leh ta! A lawmawm e. Chu tih laiin, Golf hi infiamna chi khat a nih laia Union Tourism Ministry leh Mizoram sawrkar Tourism Department lamin a hawnna an han hmang daih mai hi mak tihna riau ka nei a. Kan golf course hi hawn a nih hma hauh atangin mipui te tlawh hlawh tak mai a ni a. Inneih zawh hnu lam thlalakna atan te, chhungkua leh thian ho hawi thawvenna hmun atan te kan hmang nasa viau tawh a. Heng atang hian khualzin (tourist) hipna tha tak a ni dawn tih chu a chiang reng mai (khualzin zinga hlawk ber, ram pawn khualzin te hian an tlawh an tlawh ve ngai em tih erawh chu ka hre lo. Mizo leh Mizo hi a tlawhtu tam ber kan ni leh maithei bawk) Amaherawhchu, tourism kan chawi lar a, sum siamna atana kan hmang ...

Vantlang diriamna hmanga vantlang thununna tiang lek kawh fo hi thil dik a ni em?  (Is it justifiable to use social shaming as a form of social control?) Thâwk khat laia 'so whati' rawn lar hluai lai khan hemi chungchang hi ka rilruah a rawn lang a. Mahse, diriamna tur ka siam belhsak mai mai palh ang tiin ka ngawi ta mai mai a. Tunah chuan a boruak a reh ta deuh bawk a, i han tharthawh leh hnuhnawh teh ang! A tak ram khawvel/hring hrân khawvel ni lo, ngaihruatna leh suangtuahna, ni-a inhriatna leh inngaihna khawvel (virtual world) a social media leh digital media ten mihring te min hruai luh hnuah hian, khawvel pahnihah kan in chen chhâwk a ni ta ber mai a. Social media khawvela râwn tlák leh hriat hmel fu, a tak rama belhchian lo dáwl leh chiah lo te, a tak rama kan tih duh loh leh sawi duh loh tur, social media khawvela sawi ngam leh duh ta tlat, huaisennaa thuama awm ta tlat te...Aaa, sawi tur a tam, kan sawi chin atang ringawt pawh hian hringnun khawvel leh digital khawvel...

In the midst of this coronavirus pandemic, it is mainly the local task forces that assumed the mantle of authority and the enforcer of law and order in their respective localities. In fact, the State Government imbued these local task forces with a much higher responsibility and operational power that they are more or less, the main internal defence mechanism for the state government against this Covid-19 pandemic. No civilian response force against any sort of natural calamity or disaster had ever been formed with so much of responsibility and authority as that of the Covid-19 local task forces in the history of the state. Henceforth, whatever the outcome caused by this pandemic, the role played by the local task forces in combating this Covid-19 disease would forever be noteworthy and worthy of re-visit time and again in the future. Apart from devising local food supply chain and rationing of essential supplies, besides keeping a vigilant watch over the poorer sections of the l...

            Like all the other Indian states, Mizoram has been under lockdown since the 27 th of March, 2020. However, while the disease continues to be virulent even after imposing lockdown measures across the country and lately, to the north-eastern states, Assam, Manipur and Tripura in particular, all of which shares a state boundary with Mizoram, and apart from Bangladesh, another country, amongst many others having a substantial number of Covid 19 cases, Mizoram has managed to prevent itself from the so called community transmission of the virus. The sole victim and lone Covid 19 case in the state was a Baptist pastor, who contracted the virus while pursuing his academic studies in the Netherlands, and who have now fully recovered. The main reason why Mizoram remains Covid-19 free till date, while other states and countries are battling the outbreak of the pandemic could be attributed to various factors. ...

Tunlai chu Mizoram University Human Resource Development Centre buatsaih Online Orientation Course chhimin nitin dar 11 atanga dar 4 thleng India ram hmun hrang hranga college leh university zirtirtu 800 chuang ten online lecture/class kan nei thin a. Nitin lecture tan dawn apiang hian zawhna pakhat inzawh ngei ngei ngai a awm a. Chu zawhna chu chhan fel a nih hma chuan eng class mah a tan theih loh. Chu zawhna chu 'Am I audible (ka tawng in hre thei em?)' tih hi a ni! Online hmanga engkim ruahman leh kalpui a ngaih avangin organizer, resource persons leh keini, attendees ho ten kan tawng leh thiltih kan inhriatpawh a kan inhmuh tawn vek a ngai a. Organizer leh resource person te inkar a that mai a tâwk lova, organizer leh attendees leh attendees leh resource persons tr inbiakpawhna leh inhmuhtawn kual vekna kha pawimawh hmasa ber a ni. A tawi zawngin, he orientation course hlawhtlinna atana pawimawh hmasa ber, thil dang zawng zawng hmaa pawimawh chu thawhhona (team work) ...

Thupuiah hian tleirawl te zinga rawngbawlna tia dah âwm tak kan lo ti maithei. Mahse, chhan neiin heti hian ka dah a nih hi! A chhan chu kan sawifiah chho ang. Tleirawl/rawlthar te hi mihring kum bithliah hrang hrang, naupang, puitling, tar zingah hian a laklawh, a lai lâi tak an ni âwm e. Naupan kalsan tawh si, puitlin la pha chiah si lo, naupan leh puitlin inkar vela awm an ni a. Rin viau dawn a, rintlak pumhlum chiah si lo, rin loh dawna rintlak fu lawi si, mahnia ngaihdan nei ve tan, ngaihdan puitling tak tak ni pha chiah si lo an ni a. Nun kawngah hrim hrim pawh kawng pengthuama an din lai, an hawi lam tur leh an dam chhunga an kalna lam tura kal tura kawtchhuah pawimawha an din lai tak a ni. Chuvangin, tleirawl te hi ka tehkhin ber thin chu lui chunga lei dawh, a lehlam lehlam thlunzawmtu lei (bridge) te hi an ni. Panlai khawvel leh puitling khawvel inkar dawhzawmtu te an ni a. Lei tha leh nghet tak dawh tur chuan a dawhtute an pawimawh angin, tleirawl ten rawllai ...

HSSLC Result a chhuak a, kum dang leh hun pangngai chu nise, zirna sang zawk chhunzawm turin zirlai ten hmun hrang hrang an pan leh sang sang tawh ang a, an zirna leh an nun kawnga bung thar pawimawh tak an rap tan leh mek tawh ngei ang.  Mahse, chung zawng zawng chu kan hri pui leng mek hian a rawn ti thuanawp zova, engkim a chawl thuap ta mai zawng a nih hi. Chu tih rualin, hla phuahtu in 'muanga chawl hman kan ni lo' a tih ang deuhin, hri pui karah pawh kan ei tur kan thawh chhuah tho a ngai si a, hri pui leng avanga nunphung buai tak karah pawh nunphung pangngaia nun hram hram a tuma kan tum a ngai si. Chutiangin sikul zirlai zir zova college rap tan tur te pawhin a theih ang angin college admission an buaipui chho mek a ni. Keini college, Govt. Serchhip College pawhin zirlai eng emaw zat rawn lut tur te pualin admission drive te kan han nei ve a. Chu kan titihonaa kan thu khel pakhat chu Aizawl khaw pawn (Aizawl khaw pawn khua te hi zokhua emaw, thingtlang khua ...

Novel Coronavirus avanga nunphung zawng zawng buai karah zirlai te zirna pawh a bâng bik lo. Keini college pawhin college din a nih hnua a tum khatna atan online class la turin kan inbuatsaih ve tan a. Kan senior te, kum 30 chuang lo thawk tawh, blackboarda chalk vara kut paw luaia lo ziak kumhlun thin leh whatsapp message pawh ni thum chuang te en lova awm thei, a tawi zawngin, technology tui nû in a pawlh dal ngai eih loh te pawhin google classroom hmangin online in class an han la ve dawn chu a nia! An bangbo ve hlawm khawp mai! Loh theih lohna avangin online class hmanga zirtirna inpek hi he covid 19 hnuah hi chuan kan nunphung thar (new normal) zinga pakhat a ni chho dawnin a lang ta a. Zirna inpekna atan chuan duhthusam ber chu ni lo mahse, kan hun tawnin a zir miau si lo. Hei hian zirlaite zirnaah eng ang takin nge nghawng a neih ang tih chu hunin a la rawn hril turah ngai ila. Chu tih rualin, zirlai zingah rau rau pawh tih tak takna rilru pu leh pu lo chu an inthlau viau...

Kan subject zir ve lam, political science kaihhnawih a nih piahlamah, khawvel ram tam takah hian a chunga thupuia ka han dah, miin chhia leh tha a hriatna thiang leh fim tak atanga ram inrelbawlna chungchang a ni emaw, sakhaw inkaihhruaina leh zirtirna leh khawtlang nun leh kalphung thlenga dik lo leh siam that ngai leh tula a hriat chungchang a auchhuahpui, a tawi zawngin, a chhia leh tha hriatna (conscience) in dik lo leh fel lova a hriat avanga a sawi/sawisel avanga rikrâp/vau leh lungina tân phah hial khawpa a tawrh phahna hi a tam viau mai a. Mi thenkhat phei chuan an chhia leh tha hriatna hi an thihpui fo rêng a ni. Hetiang ang, prisoners of conscience kan tih ang chi hi a tlangpuiin ram roreltu ten lal an hrawtna, mipui dikna leh chanvo an rahbehsakna ram (repressive leh dictatorial regimes) ah a nasa ber a. Chung ramah te chuan miin a ngaihdan dik tak a sawi dawn pawhin a ram roreltu, an hotute leh sawrkar ngaihdan a nih ngei a tul thin! Sawrkar ngaihdan chu a ngaihd...

Let me pose a simple question: Do the failure of the government becomes a failure of the faith and vice versa? Iranian reformist cleric Hasan Yousefi Eshkevari, an ram Iran inrelbawl dan (Iran hi sakhaw {Islam} mal behchhana inrelbawl ram {theocracy} a ni) a duh lohna a sawi chhuah avanga kum 5 zet lungin-a tan tir thusawi hian ngaihtuah a ti thui ngawt mai: "Sakhaw behchhana rorelna hnuaiah chuan intluktlanna leh hmasawnna a awm ang kan ti a, sakhaw puanzar hnuaiah chuan kan intodelh ang kan ti a. Mahse, chung thil chu a lo thlen leh si loh chuan sakhaw behchhan sawrkar leh ram chu a hlawhchham tihna a ni a, sakhaw behchhan sawrkar a hlawhchham chuan sakhua a hlawhchham tihna a ni. Chuvangin, sawrkar hlawhchhamna chu kan rinna (faith) hlawhchhamna a ni" India leh Mizoram hi sakhaw tih bik nei lo (secular) ram leh state bakah mipui rorelna (democracy) tundinna ram a ni nâ in, sakhuana hian ram rorelna leh mipui rilru sukthlekah nghawng thui tak a nei a. Miz...