Covid 19 kara Online Class

-
Novel Coronavirus avanga nunphung zawng zawng buai karah zirlai te zirna pawh a bâng bik lo. Keini college pawhin college din a nih hnua a tum khatna atan online class la turin kan inbuatsaih ve tan a. Kan senior te, kum 30 chuang lo thawk tawh, blackboarda chalk vara kut paw luaia lo ziak kumhlun thin leh whatsapp message pawh ni thum chuang te en lova awm thei, a tawi zawngin, technology tui nû in a pawlh dal ngai eih loh te pawhin google classroom hmangin online in class an han la ve dawn chu a nia! An bangbo ve hlawm khawp mai!
Loh theih lohna avangin online class hmanga zirtirna inpek hi he covid 19 hnuah hi chuan kan nunphung thar (new normal) zinga pakhat a ni chho dawnin a lang ta a. Zirna inpekna atan chuan duhthusam ber chu ni lo mahse, kan hun tawnin a zir miau si lo. Hei hian zirlaite zirnaah eng ang takin nge nghawng a neih ang tih chu hunin a la rawn hril turah ngai ila. Chu tih rualin, zirlai zingah rau rau pawh tih tak takna rilru pu leh pu lo chu an inthlau viau maithei e.
Hetia online class lama kan inleh chhoh mek zel lai hian thil pakhat ka rilru kaptu a awm. Vawiinah collegeah eng emaw tulah ka va kal zawk a. Chutah chuan kan thawhpui senior pakhat chuan an fapa, a zirnaa a tul avanga mobile handset an lei tharin a handset ringawt a buaipui thu leh inngaihzawnna lam text message a dawn tam avanga a rilru hah thu min hrilh a. Hei hian ngaihtuahna a ti thui viau mai.
Ni e, he covid 19 hian tleirawl leh thalai tam tak chu mobile handset thar a rawn leisak dawn tih a chiang reng mai! Chu chuan khawvel dang daih, digital khawvel, suangtuahnaa innghat, a tak ram chen tur tak awm si lo (virtual world) ah kan nau, kan fate hi a hruai lut dawn a ni. Kan duh emaw, duh lo emaw, technology tuifawnin a chim tho tho dawn a. Kan tih theih awm chhun chu chu tuifawna tlahlum lo tura zirtir leh kaihhruai hi a ni. Helam hi chu sawi tur tam tak a awm, duhtawk phawt ang
Phak ang tawkah Kohhran kaltlangin tleirawl te zinga rawngbawlna (youth ministry) ah hian kum eng emaw zat chu ka lo tel ve ta a, nuam pawh ka ti viau mai. Tin, tleirawl te nungchang leh rilru (teen psychology) hi lehkhabu te chahin leh interneta mithiam te thuziah te chhiarin, phak ang tawkin ka lo zir ve nasa a. Chumi atanga ka hmuh chhuah (han ti ve ngial ila!) pawimawh tak pakhat chu tleirawl lai hi engkim ngawl vei awl hun lai a ni a, chung zingah chuan internet/cyber ngawl vei (addiction) leh digital addiction hi damdawi leh ruihhlo dang te aia ngawl vei awl leh tal chhuah harsa ber pawl a ni tih hi a ni!
He nunphung tharah hian kan nau, kan fate hi an insiamrem thiam lo hlauh ang e. I fimkhurpui ang u

Comments

Post a Comment

Popular posts from this blog

Tunlai khawvel leh Kristianna

-
Image
Tunlai Khawvel? :             ‘ Tunlai khawvel’ han tih hian vawiina kan chenna khawvel leh nitina kan nunin a tawn leh a hriatte hi a ni satliah mai lova, American hote tunlai khawvel leh keini Mizoten tunlai khawvel tia kan chhalte hi a inang lo thei viau awm e.Mithiamte chuan ‘tunlai khawvel’ tia kan sawi bika hi hun(period) hnihah an then a.Pakhat zawk chu modern world(tunlai khawvel) tiin an vuah a, a dang leh chu Post-modern world(tunlai khawvel piahlam/hnulam) tiin an vuah ve thung a ni. Modern period(tunlai hun) an tih hun chhung bik hi chuan khawvel puma revolution(inthlak danglamna) hrang hrang-heng Industrial revolution,khawl(machine), inkalpawhna hmanrua-rel leh rel kawng an hmuhchhuah leh siam,inbiakpawhna(communication)-Dak (postal), thirhhrui leh inbiakhlatna(telephone), Agricultural revolution-Thlai tha chi an hmuhchhuah te, lei tihthatna hlo(Fertilizer) chi hrang hrangte leh lo/huan enkawlna hmanrua changkang zawk an hmuhchhuahte leh thildang tam tak, kan n
Read more

Career Guidance

-
Pathianin mihring hmasa ber Adama leh Evi te a siam khan chi inthlah pung a, leilung hi luahkhat turin thu a pe tih Bible-ah kan hmu a. Chu chuan enge a entir le? He leia mihringa kan lo pian hian tih tur/mawhphurhna (responsibility) neiin leh ti hlawhtling turin kan lo piang tihna a ni. He khawvel eng ka lo hmuh phat atang hian ka phak tawk zelah ka mawhphurhna hlen tur a lo inchhawp zel thin. Entir nan, naute chu a pian atanga kum khat velah a lo bawkvak thei a, a hnu deuh ah ding lehin, a kal thin. Chumi hnuah tawng a lo thiam a, sikul a lo kal a, a lo tleirawl a, a lo puitling ta. Heng kan sawi tlem te pawh hi Pathianin a ruat hunbi ang zela mihringin a tih puitlin theih loh chuan piangsual, ramtuileilo, rualban lo a lo ni ta thin a ni. A tawi zawngin, kan damchhung hian mitin hian he khawvel a kan dam khawchhuah a, midang te ruala kan khawsak ve theihna turin kan inzir a, hma kan sawn a, hma lam kan pan a ngai thin. Chumi tih hlawhtlinna kawng pawimawh tak leh puitlinna atana
Read more

Thawhhona

-
Tunlai chu Mizoram University Human Resource Development Centre buatsaih Online Orientation Course chhimin nitin dar 11 atanga dar 4 thleng India ram hmun hrang hranga college leh university zirtirtu 800 chuang ten online lecture/class kan nei thin a. Nitin lecture tan dawn apiang hian zawhna pakhat inzawh ngei ngei ngai a awm a. Chu zawhna chu chhan fel a nih hma chuan eng class mah a tan theih loh. Chu zawhna chu 'Am I audible (ka tawng in hre thei em?)' tih hi a ni! Online hmanga engkim ruahman leh kalpui a ngaih avangin organizer, resource persons leh keini, attendees ho ten kan tawng leh thiltih kan inhriatpawh a kan inhmuh tawn vek a ngai a. Organizer leh resource person te inkar a that mai a tâwk lova, organizer leh attendees leh attendees leh resource persons tr inbiakpawhna leh inhmuhtawn kual vekna kha pawimawh hmasa ber a ni. A tawi zawngin, he orientation course hlawhtlinna atana pawimawh hmasa ber, thil dang zawng zawng hmaa pawimawh chu thawhhona (team work)
Read more