Tawng Chungchang

-


Tunlai chu social media lamah naupang, kum 3/4 rual lek lek, sap tawng thiam satliah mai pawh ni lo, lam (accent) dik leh mawi tak tak hmuh tur an tam ta hle mai. Sap naupang nen danglamna an neih chu sap an ni ve lo va, chu zawng chu a ni deuh maiin ka hria! Heng te pawh hi IT hmasawnna in a rawn ken tel pawimawh leh tangkai tak a ni a. Tin, a tha lam thil a ni bawk a, a tha ka tiin, naupang te tan zirna peng pawimawh tak pakhat a ni.

Chu tih ruala ka rilrua lo lang chu, tunlai naupang, sap tawng thiam leh a lam rik dan tur dik taka lam dik chat chat thei (ka sap tawng lam aia mawia lam naupang ka hmu teuh tawh!) te hian an sap tawng lam thiam leh thu mal thiam tluk hian an pianpui Mizo tawng hi an thiam ve tho em tih hi a ni. Ka fanu pawh hi kum thum a ni ve ta a, sap tawng thu mal thenkhat, youtube-a a en atanga a hriat a lam dan hi kei ai pawh hian zu nalh a! Chu tih rualin, a pianpui tawng, Mizo tawng hi a thiam bel loh mawlh hi ka lo hlau thin a. Mizo tawnga a tlukpui kan neih ang chi hi chu sap tawnga a hriat rual hian, a tlukpui Mizo tawng hi thiam tir hram hram ka tum thin.

Hetia ka han tih hian sap tawng aiin mizo tawng i thiam bel tir zawk ang u  ka ti hauh lova, sap tawng an thiam leh an lam dik tluk hian an pianpui, an lâi ah tawng, Mizo tawng thiam tir hi i ngai pawimawh tel teh ang u ka ti a ni. Hemi kawngah hian nu leh pate leh rual û zawk te hi kan pawimawh hle. Sap tawng an thiam leh an lam dik/nalh kan lawm a, kan chhuan tluk hian Mizo tawng an thiam hi kan duhin, kan lawmin kan ngaih pawimawhsak em? Tawng chungchang hi kan ram zirna kalphung ka sawisel fona thin pakhat a ni. Zirna in an rah tan atangin an zirlai tam zawk chu tawng dang (english) in an zir a, an pianpui tawng zawk chu subject pakhat ang lekah an zir ve a. Hei vang hi em ni ang thalai, nu leh pa, a tawi zawngin, puitling zingah Mizo tawng lam/hman leh ziah dik kawnga chinchang hria kan tam lohna chhan hi aw tiin ka ngaihtuah thin (ka lam dikin ak ziak dik vek e chu ka ti hauh lo). Ka sawi ve fo thin. Mizo zinga sap tawng leh thu leh hla thiam zinga kan neih, fam J.F. Laldailova, Mafaa Hauhnar etc te khan sap tawng an thiam tluk zetin Mizo tawng an thiam a ni lo, Mizo tawng an thiam tluk zetin sap tawng an thiam zawk a ni!

Chuvangin, sap tawng thiam tluk zeta Mizo tawng thiam tum lovin, Mizo tawng kan thiam tluk zet hian sap tawng thiam i tum zawk ila, kan fate pawh chutiang tur chuan i kaihruai teh ang u. A chhan chu, Mizo faa kan lo pian tawh chuan thil dang zawng zawng hma in 'Mizo' kan ni hmasa ber tlat alawm! Sap ho pawhin a hmasa berah chuan an fate sap tawng an thiam tir hmasa ber thin a, a hnuah tawng dang chu an zir mai. Mahni tawng kan bel loh chuan eng tawng pawh hi han thiam ve zul thin mah ila, kan thiam a bel tak tak thei lo.

Comments

Post a Comment

Popular posts from this blog

Tunlai khawvel leh Kristianna

-
Image
Tunlai Khawvel? :             ‘ Tunlai khawvel’ han tih hian vawiina kan chenna khawvel leh nitina kan nunin a tawn leh a hriatte hi a ni satliah mai lova, American hote tunlai khawvel leh keini Mizoten tunlai khawvel tia kan chhalte hi a inang lo thei viau awm e.Mithiamte chuan ‘tunlai khawvel’ tia kan sawi bika hi hun(period) hnihah an then a.Pakhat zawk chu modern world(tunlai khawvel) tiin an vuah a, a dang leh chu Post-modern world(tunlai khawvel piahlam/hnulam) tiin an vuah ve thung a ni. Modern period(tunlai hun) an tih hun chhung bik hi chuan khawvel puma revolution(inthlak danglamna) hrang hrang-heng Industrial revolution,khawl(machine), inkalpawhna hmanrua-rel leh rel kawng an hmuhchhuah leh siam,inbiakpawhna(communication)-Dak (postal), thirhhrui leh inbiakhlatna(telephone), Agricultural revolution-Thlai tha chi an hmuhchhuah te, lei tihthatna hlo(Fertilizer) chi hrang hrangte leh lo/huan enkawlna hmanrua changkang zawk an hmuhchhuahte leh thildang tam tak, kan n
Read more

Career Guidance

-
Pathianin mihring hmasa ber Adama leh Evi te a siam khan chi inthlah pung a, leilung hi luahkhat turin thu a pe tih Bible-ah kan hmu a. Chu chuan enge a entir le? He leia mihringa kan lo pian hian tih tur/mawhphurhna (responsibility) neiin leh ti hlawhtling turin kan lo piang tihna a ni. He khawvel eng ka lo hmuh phat atang hian ka phak tawk zelah ka mawhphurhna hlen tur a lo inchhawp zel thin. Entir nan, naute chu a pian atanga kum khat velah a lo bawkvak thei a, a hnu deuh ah ding lehin, a kal thin. Chumi hnuah tawng a lo thiam a, sikul a lo kal a, a lo tleirawl a, a lo puitling ta. Heng kan sawi tlem te pawh hi Pathianin a ruat hunbi ang zela mihringin a tih puitlin theih loh chuan piangsual, ramtuileilo, rualban lo a lo ni ta thin a ni. A tawi zawngin, kan damchhung hian mitin hian he khawvel a kan dam khawchhuah a, midang te ruala kan khawsak ve theihna turin kan inzir a, hma kan sawn a, hma lam kan pan a ngai thin. Chumi tih hlawhtlinna kawng pawimawh tak leh puitlinna atana
Read more

Tlawmngaihna leh Tunlai Mizo Nun

-
Hmasang kan pi pu te atanga kan hnam nunzia vawiin thlenga ral lo leh a taka kan la nunpui tak zel te zinga a langsar ber hi thlang dawn ta ila ‘tlawmngaihna’ hi kan thlan chhuah hmasak pawl a ni ngei ang. Chu tih rual chiah chuan ‘hmanlaina’ leh ‘tunlaina’ (tradition vs modernity) chungchanga inhnialna hmun apianga lang tel ve ziah chu he ‘tlawmngaihna’ bawk hi a ni ang. Hei hian kan hnam nuna tlawmngaihna beh ngheh zia a tilang chiang hle awm e. Tlawmngaihna hian awmze ril leh thuk tak a nei a, a huam pawh a zau thei viau awm e. Thu leh hla lama kan mi chhuanvawr te zinga mi, Pu James Dokhuma (L) chuan, “Tlawmngaihna chu chawimawi phut lo chawimawi tlaka nun tumna, chawimawi dawna chawimawi nih chak anga lan tum si lo chunga a ruka chawimawi duh si chunga tlawmngaihna,” tiin a hrilhfiah a ( Hmanlai Mizo Kalphung. p.199). Kan ziak mi chhuanvawr Zikpuii pa pawhin, “Tlawmngaihna chu mihring rilru chhungril thatna, pawn lam nun dan kawng chitin renga lo lang chhuak hi a ni,” ti
Read more