Mizoram Golf Course leh a chhehvel

-

Hun rei tak sawrkarin sum tam tak senga a buatsaih leh buaipui, Mizorama golf khelhna kan neih chhun, Thenzawl Golf Course chu 4.8.2020ah Union Tourism Minister, Prahlad Singh Patel chuan video conferencing hmangin a hawng ta rup mai. Mizoramin hmasawnna rahbi pakhat chu kan tuk leh ta! A lawmawm e.

Chu tih laiin, Golf hi infiamna chi khat a nih laia Union Tourism Ministry leh Mizoram sawrkar Tourism Department lamin a hawnna an han hmang daih mai hi mak tihna riau ka nei a. Kan golf course hi hawn a nih hma hauh atangin mipui te tlawh hlawh tak mai a ni a. Inneih zawh hnu lam thlalakna atan te, chhungkua leh thian ho hawi thawvenna hmun atan te kan hmang nasa viau tawh a. Heng atang hian khualzin (tourist) hipna tha tak a ni dawn tih chu a chiang reng mai (khualzin zinga hlawk ber, ram pawn khualzin te hian an tlawh an tlawh ve ngai em tih erawh chu ka hre lo. Mizo leh Mizo hi a tlawhtu tam ber kan ni leh maithei bawk)

Amaherawhchu, tourism kan chawi lar a, sum siamna atana kan hmang duh a nih chuan golf course siam chawpna atana kan sum sen ral zozai hmang hian awm lo ata awm tura din ngai lo, khualzin hip thei tur hmun leh thil tam tak hi sawngbawl theih a ni zawk ang a tih hi ka ngaihdan a lo ni ve mai mai thin a. Tin, Mizoramah hian tih tak tak chu sawi loh, tih mai mai pawha golf khel thin hi kan awm pawhin ka hre lova (an lo awm mial a nih chuan thuhran nise), infiamna peng pakhat, a kheltu tur pawh awm mumal lo siamna atana heti tak maia sawrkarin hma a han la hi Mizo te hi golf lama thangchhuah thei tura theihna sang tak nei kan nih avanga hetianga hma la hi nge an nih ang a, golf infiamna hrim hrim hi sawrkar tana sum lakluhna hnar tha tak, a infiamna bakah a hmun hma hi khualzin te hipna tha tak a nih tel avanga sawrkarin a ngaih pawimawh ni ang tih hi chhanna mumal awm lo, zawhna pawimawh tak si niin a lang.

 Kan sawrkar hian golf infiamna hi a changtu department (a hawngtu ni bawk) leh enkawl zui tur nia lang atana Tourism department a thlan dan atang hi chuan (a hmun hma siamna atana sum hi Union Tourism Ministry atanga an hmuh ni maw?) golf hi sports industry ni lovin, tourism industry hnuaiah a rin lut niin a lang a. Mi ramah hian golf course hi tourism industry hnuaiah hian an dah ve tho ngai emaw ka hre lo. Tuna a lan dan leh kan sawrkar rilru sukthlek en hi chuan kan golf course thar hmang hian khawvela golfer lar leh tha, Tiger Woods leh Phil Mickelson te ang hu chu kan ramah hian koh luh a tum pawhin a lang lova, ram pum huap emaw, khawvel pum huap golf tournament lian tham buatsaih tumin budgeta sum an dah âwm kan hre bawk si lo. He golf course siam leh dinna atana sum leh tha sawrkarin a sen zozai phuhru khawp sum hi he kan hmun hma thar hian thawk chhuak tak ang maw? Hunin a la hril ang chu.

Tourism nge sport tih hmasawnna atan he golf course hi hman a nih dawn,nge sport rualin tourism tih hmasawnna atan an hmang dawn? Nge, tourism bik atan chauh ni ang?

Comments

Post a Comment

Popular posts from this blog

Tunlai khawvel leh Kristianna

-
Image
Tunlai Khawvel? :             ‘ Tunlai khawvel’ han tih hian vawiina kan chenna khawvel leh nitina kan nunin a tawn leh a hriatte hi a ni satliah mai lova, American hote tunlai khawvel leh keini Mizoten tunlai khawvel tia kan chhalte hi a inang lo thei viau awm e.Mithiamte chuan ‘tunlai khawvel’ tia kan sawi bika hi hun(period) hnihah an then a.Pakhat zawk chu modern world(tunlai khawvel) tiin an vuah a, a dang leh chu Post-modern world(tunlai khawvel piahlam/hnulam) tiin an vuah ve thung a ni. Modern period(tunlai hun) an tih hun chhung bik hi chuan khawvel puma revolution(inthlak danglamna) hrang hrang-heng Industrial revolution,khawl(machine), inkalpawhna hmanrua-rel leh rel kawng an hmuhchhuah leh siam,inbiakpawhna(communication)-Dak (postal), thirhhrui leh inbiakhlatna(telephone), Agricultural revolution-Thlai tha chi an hmuhchhuah te, lei tihthatna hlo(Fertilizer) chi hrang hrangte leh lo/huan enkawlna hmanrua changkang zawk an hmuhchhuahte leh thildang tam tak, kan n
Read more

Career Guidance

-
Pathianin mihring hmasa ber Adama leh Evi te a siam khan chi inthlah pung a, leilung hi luahkhat turin thu a pe tih Bible-ah kan hmu a. Chu chuan enge a entir le? He leia mihringa kan lo pian hian tih tur/mawhphurhna (responsibility) neiin leh ti hlawhtling turin kan lo piang tihna a ni. He khawvel eng ka lo hmuh phat atang hian ka phak tawk zelah ka mawhphurhna hlen tur a lo inchhawp zel thin. Entir nan, naute chu a pian atanga kum khat velah a lo bawkvak thei a, a hnu deuh ah ding lehin, a kal thin. Chumi hnuah tawng a lo thiam a, sikul a lo kal a, a lo tleirawl a, a lo puitling ta. Heng kan sawi tlem te pawh hi Pathianin a ruat hunbi ang zela mihringin a tih puitlin theih loh chuan piangsual, ramtuileilo, rualban lo a lo ni ta thin a ni. A tawi zawngin, kan damchhung hian mitin hian he khawvel a kan dam khawchhuah a, midang te ruala kan khawsak ve theihna turin kan inzir a, hma kan sawn a, hma lam kan pan a ngai thin. Chumi tih hlawhtlinna kawng pawimawh tak leh puitlinna atana
Read more

Tlawmngaihna leh Tunlai Mizo Nun

-
Hmasang kan pi pu te atanga kan hnam nunzia vawiin thlenga ral lo leh a taka kan la nunpui tak zel te zinga a langsar ber hi thlang dawn ta ila ‘tlawmngaihna’ hi kan thlan chhuah hmasak pawl a ni ngei ang. Chu tih rual chiah chuan ‘hmanlaina’ leh ‘tunlaina’ (tradition vs modernity) chungchanga inhnialna hmun apianga lang tel ve ziah chu he ‘tlawmngaihna’ bawk hi a ni ang. Hei hian kan hnam nuna tlawmngaihna beh ngheh zia a tilang chiang hle awm e. Tlawmngaihna hian awmze ril leh thuk tak a nei a, a huam pawh a zau thei viau awm e. Thu leh hla lama kan mi chhuanvawr te zinga mi, Pu James Dokhuma (L) chuan, “Tlawmngaihna chu chawimawi phut lo chawimawi tlaka nun tumna, chawimawi dawna chawimawi nih chak anga lan tum si lo chunga a ruka chawimawi duh si chunga tlawmngaihna,” tiin a hrilhfiah a ( Hmanlai Mizo Kalphung. p.199). Kan ziak mi chhuanvawr Zikpuii pa pawhin, “Tlawmngaihna chu mihring rilru chhungril thatna, pawn lam nun dan kawng chitin renga lo lang chhuak hi a ni,” ti
Read more