Ram leh Hnam Inpumkhatna

-



Nimin kha Ram leh Hnsm Inpumkhatna ni (National Integration Day) a ni a, kan college pawhin he ni hi programme tâwi tê siamin kan hmang ve a, thawhpui  te duhsakna zarah resource person niin thu te ka sawi ve ang láwp láwp a!


He ni, 19th December hi Indian hmeichhe zinga Prime Minister dinhmun luah hmasa ber leh awm chhun, Indira Gandhi piancham hriatrengna atan hman thin a ni a. India rama chi leh hnam hrang hrang te inkara inremna, inlungrualna leh inpumkhatna a lo awm zel theihna chu he niin a tum bulpui ber a ni. Nimin kan hun hman hian inpumkhatna pawimawhzia leh tulzia min hriat chhuah thar tir hle mai...


Ram leh hnam inlungrual lo leh inpumkhat lo an ding chhuak ngai lo. Khawvel chanchin hlui hrang hrang hi keu let ila, lal ropui, ram ropui leh hnam chak tak tak te tlukchhiat bul intanna hi an inpumkhatna chhist vang, an zinga anmahni hralhtu, phatsantu an lo awm vang a ni duh khawp mai. Ram leh hnam ropui leh chak te tukzaltu leh tlukchhiattirtu hi ralthuam tha ber ber leh sipai chakna ai chuan chhungril lama hnsm inpumkhatna keh chhia hi a ni duh khawp.


Chutiang bawkin, hnam inlungrual leh inpumkhat an tlu chhe ngai lo. Khawvela lu nghahna tur nei lo, raltlan kumhlun Juda ho ten Palestine ram, mikhual raltlan mai an nihna atanga ram hreuh chhuak a, anmahni hual veltu Arab ram tangrual sipai te pawh nawr let a, an ram luah leilung hmun thuma thena hmun hnih dâwn thlaler a ni chunga khawvela ram ropui te inzinga indin chhuak Israel khuan tun dinhmun thleng tur hian inpumkhatna bak hmachhuan tur an nei lo. Chutiang bawkin an duh lo chung hnawhchhuah leh indan luih tir, Singapore, vawiina an dinhmun an thlen theihna tura Lee Kuan Yeaw (Ram hruaitu zinga independent hmuh avanga rilru nat lutuk avanga tap ka hriat awm chhun!) hova Singaporea hnam hrang hrang- Malays, Indonesians, Tamils, Chinese etc te inpumkhatna beihpui an thlak te, Indopui IIna hunlaia nasa taka nghaisak Japanese ho rawn indinthar leh dan te, sawi tur a tam...heng ram leh hnam, vawiina hahipa kan sawi te rawn din chhuahna bulpui chu inpumkhatna tho hi a ni.


Tin inpumkhatna hi inanna (sameness) nen hian hriatpawlh loh a tha hle in ka hria. Inpumkhatna hi inanna ni lovin, tum thuhmun leh duh thuhmun neih (oneness of purpose) zawk hi a innghahna zawk a ni tih hi a bik takin keini, Mizo te hian kan hriat thelh deuh thin em aw ka ti. Kan aw zia inan chiah lohna te hi kan inpumkhatna dâltu te a ni mai mai a, kan chenna ram behchhan te hian rilru chhungril lamah hian chhul khat chhuak theuh theuh pawh kan in mi hrang en titih fo mai. Sawi zel dawn chuan sawi tur tam tak a awm thei ang. Inanna (sameness) ni lo hian tum leh duh thuhmunna (oneness of purpose) hi kan inpumkhatna lungphum ni zel teh se. Tun dinhmunah hi chuan Mizo te kan inpumkhat dan hi chu palang tuithâwl (glass water bottle) keh zawm khawm hi kan ang berin ka hria. Eng emaw kan tawh hlek leh kan tauh hlek hian keh darh zawm khawm ang amiin kan pumkhatna hi a keh awlsam em em mai a. Kan inpumkhat dan hi a derthawng ru irau tlat hian ka hria.


Ram leh hnamin hma a sawn theihna tur pawhin inpumkhatna leh inlungrualna bawk hi pawimawh hmasa chu a ni. Party politics leh hnam politics te, veng/khaw bil politics leh ram leh hnam pum huap politics te hi thliar hran thiam a,a hun leh a hmun hriat te hi a hun tawh mang e!


Duhtawk dawn teh ang...US hmeichhe zinga vice President hmasa ber tur Kamala Harris hian Senate member atana thlan tlin a nih hlim khan, "Kan inpumkhatna hi kan chakna a ni a, chi leh hnam hrang hrang kan nihna hi kan thiltihtheihna a ni (Unity is our strength, diversity is our power)" tiin USA ropuina thuruk a sawi a, a dik hle mai. Sports lama USA ti hming tha tu tam zawk khu mi hâng an ni a, thiam leh finna lama US ram tana thangchhuahtu tam zawk (?) khu ram leilung fa, USA leilunga piang leh seilian an ni hauh lo. Indian thisen kai, African, Latin, Asian thisen kai etc an nih nawk hlawm khu. He kan ram zim te chhunga cheng te chauh kan inhung bik a, tehna fir tak hmanga kan ram pawn lama imte kan lo fak fak hian eng lukhàwng ropui nge a neih tih hi ka ngaihtuah fo thin. Chi leh hnam hrang hrang zinga inpumkhatna (unity in diversity), USA in thiam taka hmang tangkai a, ropuina rama a inhlankai adn atang hian zir tur kan nei lo maw? 'Ram leilung fa (sons of the soil) ai hian 'khawvel fa hrin (sons of the earth)' kan nihna hi a ngaih pawimawhawm zawk ta riauin ka hria

Comments

Post a Comment

Popular posts from this blog

Tunlai khawvel leh Kristianna

-
Image
Tunlai Khawvel? :             ‘ Tunlai khawvel’ han tih hian vawiina kan chenna khawvel leh nitina kan nunin a tawn leh a hriatte hi a ni satliah mai lova, American hote tunlai khawvel leh keini Mizoten tunlai khawvel tia kan chhalte hi a inang lo thei viau awm e.Mithiamte chuan ‘tunlai khawvel’ tia kan sawi bika hi hun(period) hnihah an then a.Pakhat zawk chu modern world(tunlai khawvel) tiin an vuah a, a dang leh chu Post-modern world(tunlai khawvel piahlam/hnulam) tiin an vuah ve thung a ni. Modern period(tunlai hun) an tih hun chhung bik hi chuan khawvel puma revolution(inthlak danglamna) hrang hrang-heng Industrial revolution,khawl(machine), inkalpawhna hmanrua-rel leh rel kawng an hmuhchhuah leh siam,inbiakpawhna(communication)-Dak (postal), thirhhrui leh inbiakhlatna(telephone), Agricultural revolution-Thlai tha chi an hmuhchhuah te, lei tihthatna hlo(Fertilizer) chi hrang hrangte leh lo/huan enkawlna hmanrua changkang zawk an hmuhchhuahte leh thildang tam tak, kan n
Read more

Career Guidance

-
Pathianin mihring hmasa ber Adama leh Evi te a siam khan chi inthlah pung a, leilung hi luahkhat turin thu a pe tih Bible-ah kan hmu a. Chu chuan enge a entir le? He leia mihringa kan lo pian hian tih tur/mawhphurhna (responsibility) neiin leh ti hlawhtling turin kan lo piang tihna a ni. He khawvel eng ka lo hmuh phat atang hian ka phak tawk zelah ka mawhphurhna hlen tur a lo inchhawp zel thin. Entir nan, naute chu a pian atanga kum khat velah a lo bawkvak thei a, a hnu deuh ah ding lehin, a kal thin. Chumi hnuah tawng a lo thiam a, sikul a lo kal a, a lo tleirawl a, a lo puitling ta. Heng kan sawi tlem te pawh hi Pathianin a ruat hunbi ang zela mihringin a tih puitlin theih loh chuan piangsual, ramtuileilo, rualban lo a lo ni ta thin a ni. A tawi zawngin, kan damchhung hian mitin hian he khawvel a kan dam khawchhuah a, midang te ruala kan khawsak ve theihna turin kan inzir a, hma kan sawn a, hma lam kan pan a ngai thin. Chumi tih hlawhtlinna kawng pawimawh tak leh puitlinna atana
Read more

Tlawmngaihna leh Tunlai Mizo Nun

-
Hmasang kan pi pu te atanga kan hnam nunzia vawiin thlenga ral lo leh a taka kan la nunpui tak zel te zinga a langsar ber hi thlang dawn ta ila ‘tlawmngaihna’ hi kan thlan chhuah hmasak pawl a ni ngei ang. Chu tih rual chiah chuan ‘hmanlaina’ leh ‘tunlaina’ (tradition vs modernity) chungchanga inhnialna hmun apianga lang tel ve ziah chu he ‘tlawmngaihna’ bawk hi a ni ang. Hei hian kan hnam nuna tlawmngaihna beh ngheh zia a tilang chiang hle awm e. Tlawmngaihna hian awmze ril leh thuk tak a nei a, a huam pawh a zau thei viau awm e. Thu leh hla lama kan mi chhuanvawr te zinga mi, Pu James Dokhuma (L) chuan, “Tlawmngaihna chu chawimawi phut lo chawimawi tlaka nun tumna, chawimawi dawna chawimawi nih chak anga lan tum si lo chunga a ruka chawimawi duh si chunga tlawmngaihna,” tiin a hrilhfiah a ( Hmanlai Mizo Kalphung. p.199). Kan ziak mi chhuanvawr Zikpuii pa pawhin, “Tlawmngaihna chu mihring rilru chhungril thatna, pawn lam nun dan kawng chitin renga lo lang chhuak hi a ni,” ti
Read more