Chhia leh tha hriatna hman avanga saltânna (Prisoners of Conscience) leh Mizo te

-

Kan subject zir ve lam, political science kaihhnawih a nih piahlamah, khawvel ram tam takah hian a chunga thupuia ka han dah, miin chhia leh tha a hriatna thiang leh fim tak atanga ram inrelbawlna chungchang a ni emaw, sakhaw inkaihhruaina leh zirtirna leh khawtlang nun leh kalphung thlenga dik lo leh siam that ngai leh tula a hriat chungchang a auchhuahpui, a tawi zawngin, a chhia leh tha hriatna (conscience) in dik lo leh fel lova a hriat avanga a sawi/sawisel avanga rikrâp/vau leh lungina tân phah hial khawpa a tawrh phahna hi a tam viau mai a. Mi thenkhat phei chuan an chhia leh tha hriatna hi an thihpui fo rêng a ni.
Hetiang ang, prisoners of conscience kan tih ang chi hi a tlangpuiin ram roreltu ten lal an hrawtna, mipui dikna leh chanvo an rahbehsakna ram (repressive leh dictatorial regimes) ah a nasa ber a. Chung ramah te chuan miin a ngaihdan dik tak a sawi dawn pawhin a ram roreltu, an hotute leh sawrkar ngaihdan a nih ngei a tul thin! Sawrkar ngaihdan chu a ngaihdan a nih a ngai a, sawrkar kalh leh duh dan pelin ngaihdan a sawi chhuak thiang lo a nih ber chu!
Mipui ten zalenna zau tak kan neihna leh dikna leh chanvo tam tak kan neihna ram leh rorelna, democracy ramah chuan hetiang ang, chhia leh tha hriatna avanga saltânna hi chu ram himna ti derthawng thei (matters of state/national security) a nih lem loh chuan a thiang tlangpui a (eng chin nge 'ram himna ti derthawng' tih lai taka ramri kan khamna chin erawh a inang lo viau thung). Sawrkar leh roreltute atang pawhin kan tawngkam, sawrkar kalphung leh roreltute sawiselna avanga man leh lungina tâng pawh hi dictatorial regimes te ai chuan tlem tak pawh a ni rêng a. 'Prisoners of Conscience' tawngkam pawh hi sawrkar leh ram roreltu ten an khua leh tui te chunga a hleilenna chi khat sawina atan hman a ni tlangpui.
Kan ram, India leh Mizoramah hi chuan sawrkar leh roreltute lak atang hian kan chhia leh tha hriatna tlangaupui avanga harsatna hi kan tâwk meuh lo mai ni lovin, kan zalen leh lutuk a, kan ram roreltute hi kan ngam mah mah zawk hial maithei! Chu tih rualin, sawrkar leh ram roreltute atanga kan zalen viau lai hian, lang lo lama roreltu leh min thununtu, kan ngaihdan, pawm dan leh rin dan dik tak pawh auchhuahpui ngam lo leh thei lova min siamtu hi a awm hian a lang em? Phung thluk ngai khawtlang nun avang hian dik leh tha aiin mawihawih hi kan zawng ta lutuk deuh em? Kan nun dan, pawm dan leh ngaihdan hi mimal chhia leh tha hriatna fim tak (conscience) in dik leh tha nia a hriat ang ni lo, vantlang leh midang te ngaihdan leh pawm dan, khawtlang/vantlangin dik leh thaa a hriat (social conscience)  zulzui hi a lo ni mai mai lo maw? Hei hi chhia leh tha hriatna hmang thei lova min sal bettu leh sal tâng (prisoner) a min siamtu chi khat a ni ve tho lo ang em? Ram dang leh khawvel hmun danga kan mihringpui te ang êm chuan vau leh lung in hial te tán phah ve lo mah ila, chhia leh tha hriatna hman avanga saltang (prisoners of conscience) hi zalen deuh chung si hian kan awm fur lo maw?

Comments

Post a Comment

Popular posts from this blog

Tunlai khawvel leh Kristianna

-
Image
Tunlai Khawvel? :             ‘ Tunlai khawvel’ han tih hian vawiina kan chenna khawvel leh nitina kan nunin a tawn leh a hriatte hi a ni satliah mai lova, American hote tunlai khawvel leh keini Mizoten tunlai khawvel tia kan chhalte hi a inang lo thei viau awm e.Mithiamte chuan ‘tunlai khawvel’ tia kan sawi bika hi hun(period) hnihah an then a.Pakhat zawk chu modern world(tunlai khawvel) tiin an vuah a, a dang leh chu Post-modern world(tunlai khawvel piahlam/hnulam) tiin an vuah ve thung a ni. Modern period(tunlai hun) an tih hun chhung bik hi chuan khawvel puma revolution(inthlak danglamna) hrang hrang-heng Industrial revolution,khawl(machine), inkalpawhna hmanrua-rel leh rel kawng an hmuhchhuah leh siam,inbiakpawhna(communication)-Dak (postal), thirhhrui leh inbiakhlatna(telephone), Agricultural revolution-Thlai tha chi an hmuhchhuah te, lei tihthatna hlo(Fertilizer) chi hrang hrangte leh lo/huan enkawlna hmanrua changkang zawk an hmuhchhuahte leh thildang tam tak, kan n
Read more

Career Guidance

-
Pathianin mihring hmasa ber Adama leh Evi te a siam khan chi inthlah pung a, leilung hi luahkhat turin thu a pe tih Bible-ah kan hmu a. Chu chuan enge a entir le? He leia mihringa kan lo pian hian tih tur/mawhphurhna (responsibility) neiin leh ti hlawhtling turin kan lo piang tihna a ni. He khawvel eng ka lo hmuh phat atang hian ka phak tawk zelah ka mawhphurhna hlen tur a lo inchhawp zel thin. Entir nan, naute chu a pian atanga kum khat velah a lo bawkvak thei a, a hnu deuh ah ding lehin, a kal thin. Chumi hnuah tawng a lo thiam a, sikul a lo kal a, a lo tleirawl a, a lo puitling ta. Heng kan sawi tlem te pawh hi Pathianin a ruat hunbi ang zela mihringin a tih puitlin theih loh chuan piangsual, ramtuileilo, rualban lo a lo ni ta thin a ni. A tawi zawngin, kan damchhung hian mitin hian he khawvel a kan dam khawchhuah a, midang te ruala kan khawsak ve theihna turin kan inzir a, hma kan sawn a, hma lam kan pan a ngai thin. Chumi tih hlawhtlinna kawng pawimawh tak leh puitlinna atana
Read more

Tlawmngaihna leh Tunlai Mizo Nun

-
Hmasang kan pi pu te atanga kan hnam nunzia vawiin thlenga ral lo leh a taka kan la nunpui tak zel te zinga a langsar ber hi thlang dawn ta ila ‘tlawmngaihna’ hi kan thlan chhuah hmasak pawl a ni ngei ang. Chu tih rual chiah chuan ‘hmanlaina’ leh ‘tunlaina’ (tradition vs modernity) chungchanga inhnialna hmun apianga lang tel ve ziah chu he ‘tlawmngaihna’ bawk hi a ni ang. Hei hian kan hnam nuna tlawmngaihna beh ngheh zia a tilang chiang hle awm e. Tlawmngaihna hian awmze ril leh thuk tak a nei a, a huam pawh a zau thei viau awm e. Thu leh hla lama kan mi chhuanvawr te zinga mi, Pu James Dokhuma (L) chuan, “Tlawmngaihna chu chawimawi phut lo chawimawi tlaka nun tumna, chawimawi dawna chawimawi nih chak anga lan tum si lo chunga a ruka chawimawi duh si chunga tlawmngaihna,” tiin a hrilhfiah a ( Hmanlai Mizo Kalphung. p.199). Kan ziak mi chhuanvawr Zikpuii pa pawhin, “Tlawmngaihna chu mihring rilru chhungril thatna, pawn lam nun dan kawng chitin renga lo lang chhuak hi a ni,” ti
Read more