Covid-19 Zirlai III
Tawngkam dangin 'inrenchem' hi sawi dawn ta ila, 'in khawl' tih thu
mal hi a hman theih awm e. Kan in ren na na na chuan kan khawl dawn
tihna a ni a, kan inkhawl dawn chuan kan in ren a ngai tihna a ni a, tum
thuhmun nei tawngkam/thu mal niin a lang.
Economist te tawngkam
lar tak pakhat chu 'In khawl/khawl hi peipunna tha ber a ni (saving is
the best form of investment)' tih hi a ni. Mi zawng zawng hian thla tin
cheng sawm theuh nei/dawng ta ila, kan mamawh zawng zawng chu cheng
ngaa lei theih ni ta se, inrenchem leh in khawl ngai pawimawh mi chuan
cheng ngaa a mamawh a lei baka la chuang zawng cheng nga chu a dah tha
ang a, cheng sawm dang a dawn leh hunah in khawl/in ren/khêk ngai
pawimawh lo te aiin cheng nga in a hlawk nghal dawn tihna a ni.
Covid 19 avanga kan han inkharkhip tak tak chuan keini state chu sawi
loh, khawvel ram hausa te pawh an thil neih engmahin a lo daih zo meuh
lo. Mizoramah phei chuan ei leh bar nitin mamawh chu sawi loh, kan
mamawh lem loh thlengin a vâng ta em em mai a nih hi! Mahni irawma siam
chhuah mumal nei lem lo, state dang te siam chhuah hmanga lo in chawm
mawm kumhlun keini ho tan chuan hun harsa han tawh tak tak chuan vâng lo
tak tak pawh a lo awm love.
Chutih lai chuan covid 19 hri a rawn darh hma zawnga Mizorama hna hrang hrang thawka nitin inhlawha rawn awm vai ho khawsak phung kha ka ngaihtuah a, mamawh kha an va nei tlem tehreng em! Gamchha pahnih, hak thlak pahnih khat leh mut puan pakhat chauh nen a kumpui linglet teh meuh hnathawkin an rawn awm a, an nitin mamawh (awh zawng ni lovin) leina an neih tawk tawk kha chuan an lungawi em em a, an hnathawhna hmunah riahbuk an sual chawp nawk nawk a, khawi hmunah pawh an khawsa zel mai a. An mamawh leina atana an hman bang zawng chu an ram lama an chhung te an thawn thla ta thin a, an hlawh zawng zawng hmun thuma thena hmun hnih chu an thawn ngei ka ring. Mizo te pawisa nitina an ram lama min thawn liamsak zat hi kan chhut ngai em? Mistiri chu sawi loh, helper pakhat ringawt pawh hian min ei hek asin! Kan pawisa an hlawha kan pek te hi Mizoram pawnah Bihar economyah te, Uttar Pradesh economyah te an chhung lut daih a, Mizoram economya a rawn let leh meuh chuan kan sum hmanga an thil siam chhuah (thil siam chhuahna atana an sum senah hian Mizo te pawisa pawh hi a tel ngei ka ring!) kan lo leisak leh daih a, a tawi zawngin state dang economyah hian sum kan chhung nawn awn awn a nih ber chu! Hahdam leh nuamsa deuh hian kan sum leh pai kan paih hiau hiau reng ta mai a ni.
Eng ram mah hi hausa saa din a awm lova, khawi mi hausa mah hian ngah sa in bul an tan lo. An bultanna chu tlem te atanga in khawl leh in khek atangin tam tak an lo nei ta mai a lo ni. Kan rama thil awm te hi hlut nachang hria ila, kan neih ang ang te hi khek a tulzia hre thar leh ila, naktuka kan ngah theihna atan vawiinah kan theih ang angin kawng engkimah i khawl/in khawl tlang ang u hmiang?
Chutih lai chuan covid 19 hri a rawn darh hma zawnga Mizorama hna hrang hrang thawka nitin inhlawha rawn awm vai ho khawsak phung kha ka ngaihtuah a, mamawh kha an va nei tlem tehreng em! Gamchha pahnih, hak thlak pahnih khat leh mut puan pakhat chauh nen a kumpui linglet teh meuh hnathawkin an rawn awm a, an nitin mamawh (awh zawng ni lovin) leina an neih tawk tawk kha chuan an lungawi em em a, an hnathawhna hmunah riahbuk an sual chawp nawk nawk a, khawi hmunah pawh an khawsa zel mai a. An mamawh leina atana an hman bang zawng chu an ram lama an chhung te an thawn thla ta thin a, an hlawh zawng zawng hmun thuma thena hmun hnih chu an thawn ngei ka ring. Mizo te pawisa nitina an ram lama min thawn liamsak zat hi kan chhut ngai em? Mistiri chu sawi loh, helper pakhat ringawt pawh hian min ei hek asin! Kan pawisa an hlawha kan pek te hi Mizoram pawnah Bihar economyah te, Uttar Pradesh economyah te an chhung lut daih a, Mizoram economya a rawn let leh meuh chuan kan sum hmanga an thil siam chhuah (thil siam chhuahna atana an sum senah hian Mizo te pawisa pawh hi a tel ngei ka ring!) kan lo leisak leh daih a, a tawi zawngin state dang economyah hian sum kan chhung nawn awn awn a nih ber chu! Hahdam leh nuamsa deuh hian kan sum leh pai kan paih hiau hiau reng ta mai a ni.
Eng ram mah hi hausa saa din a awm lova, khawi mi hausa mah hian ngah sa in bul an tan lo. An bultanna chu tlem te atanga in khawl leh in khek atangin tam tak an lo nei ta mai a lo ni. Kan rama thil awm te hi hlut nachang hria ila, kan neih ang ang te hi khek a tulzia hre thar leh ila, naktuka kan ngah theihna atan vawiinah kan theih ang angin kawng engkimah i khawl/in khawl tlang ang u hmiang?
Comments
Post a Comment