RObaWm

Han chhiar mai pawhin a danglamna chu kan hmu nghal mai awm e. Hetiang chiah hian thil ti sual leh thil sual ti pawh hi 'ti sual' nge an nih a, 'thil sual ti' an nih tih hian awmzia leh nghawng thui tak a nei thei tlat a ni. Thil tha tih leh thil tih that te hi a tha lam ve ve an ni a, thil thuhmun leh thil tha tak an ni ve ve mai lo em ni tih zawhna kan neih chuan zawhna zawh âwm tak a ni ngei ang. Chu tih rualin, 'tha' rau rauah thil tha ti leh thil ti tha chu a rawn irh chhuahna rilru, va tih chhuah dan leh chu thil tihin a nghawng dan erawh chu a inpersan thei viau lawi si. Thil tha ti chuan a thil tih chu 'thil tha'  leh tih tur tha a nih avangin a ti thin a, chhan dang a awm lo. Mi ten an ngaihven em, ti turin an phût em tih lam a ngaihtuah lova, mi tumahin a thil tha tih chu hre dawn miah lo mahse, thil tha tih tur a nih avangin a ti mai thin a, a thil tha tih chu tlângthan tir hluai pawh a tum lem lova, ...

            Nationalism chu a tawi zawngin mahni ram hmangaihna, pawn lam atanga ti chhe thei laka ram humhim leh venhim duhna, ram thatna tur chauh ngaihtuahna tiin a sawifiah theih mai âwm e. 'Patriotism' nen hian hman pawlh a ni fo nâ a, a inang chiah lo deuh. Chu lam erawh chu sawi zui lo ta ila.            Nationalism in a ken tel pawimawh tak tak te zingapa mi chu thil tuma chian (conviction) tih chhana chian hi a ni âwm e. Israel/Jew nationalism, an ram a n hmangaihna leh an ram tana an insên ralna chanchin ropui tak phênah khuan tawrhna rapthlak tak te, hlawhchhamna beidawnthlak tak leh thua sawifiah mai pawh harsa khawpa mahni insensona te a inphum a. An ramin tui hnianghnar taka an neih theihna tura Simcha Blassa hova an beih chhoh dan te kha nationalist tak tak tan lo chuan han tlin chi ziazang a ni lo. Chutiang bawkin Hitlera kha nunrawng viau mahse, German nationalist dik tak a tih loh theih loh. Ni lo sel...

            Sawrkar hnathawk te hna thawhna kawng hrang hrang-hna thar hmu te an hna zawm tura kohna (calling letter), hna thawk tura ruatna leh puanna (letter of appointment/declaration), transfer & posting etc lehkha zawng zawnga kan hmuh fo thin, a kam keuna tawngkam ber 'in the interest of public service' tih tawngkam hi i ngaihtuah ve ngai em?            He tawngkam awmzia ber chu 'mipui/vantlang tana tha zawk, remchang leh tangkai zawk a nih avangin' tihna a ni ber awm e. Sawrkar tawngkam leh hmalakna reng rengah he tawngkam hmang hian thu kamkeu a ni tlangpui a, chumi awmzia chu sawrkar thil tih leh hmalakna reng reng chu mipui/vantlang tana sâwtpui tlak, tha zawk leh tangkai tur a ni tur a ni tihna a ni ber ang chu. Mahse, chu lam chu ka sawi tum ber a ni lo!            Kan hriat angin state hrang hrang leh ram pawn hmun hrang hranga kan mizopui tangkhang sing tel te an lo h...

        Mizo te hi hnam inteh nasa pawl tak kan niin ka hria han ti ngawt phawt teh ang! Kawng engkimah hian bûk lung hi kan han khâi nasa hlawm khawp a. Kan bûknaa kan buk tlin loh hlauh te phei chu anmahni atanga thil tha chhuak thei ta reng reng lo ang thawthângah kan han chan zui a. Thil tha tak, kan sâwtpui ngei tur leh kan that tlânpui ngei tur pawh sawiin, ti se, kan bûknaah kan bûk tlin tawh miau loh avangin an tla na thei tak tak tawh thin lo.          Bûk lung atan lah khawtlang leh kohhran kan han hmang zui a. Kan bûk lung chu felhlel awm miah lo, dik lo thei lovah dahin, chu bûk lung hmanga kan bûk tawh sawisel chu an dik lohzia leh kan bûk lung dik zia hmangin kan vawm lêt êrh thin! Mi tu emaw thil tha tih leh thu tha sawi pawh a thil tih that leh a thu tha sawi kha amah tehna atana hmang ta lovin, a nun kal tawha a tih sual, an chhungkaw zia, a chapona etc te chu kan tehna bûk lung...

           Mizo te hi hnam hmasawn leh changkang tak kan nih tawh rual hian hman atanga vawiin thlenga sim theih loh kan neiin ka hria 'finfiah leh chhui chiang hmasa lova thil inhrilh darh chiam' hi!            Hman deuhah khan chi (salt) a vâng dawn tih kha a darh vak a, dawra chi awm zawng zawng deuhthaw kan lei zo tawh a, a vâng ta lem hlei lova. Natna eng emaw atan chumi khami chu mi chumi khamiin a tha a ti kan ti a, kan in ei hmuh a, a lo tha em em hran leh lova! Hei, tunah covid 19 hri len g chungchangah kutkawr, hmai tuamna leh hand sanitizer kan rama awm zawng zawng deuhthaw kan inchuh zo leh a. Heng thil nei ve lo chu hri kai mai turah kan inchan deuh nge maw ni! Kan damdawi lam thiam ten sahbawn leh tui nena fai taka kut sil chuan kutkawr bun kher a ngai lo, hri kan vei a nih loh chuan hmai tuam kher a tul lem lo an tih pawhin kan intih hmuh laklawh tawh chu ...

          Kan thenawm Assam state-ah pawh kan ram depa awm Silcharah Covid 19 vei an awm thu news media hrang hrang ten an rawn puang leh ta un un mai a. Hetiang a nih takah chuan lock down kalpui a nih tan tirh atanga kan sawrkar hotu ten an sawi leh min chah mawlh mawlh 'in renchem' chu a hma zawng aiin a tul zual dawn ta niin ka hria.            Hetia kan thenawm, Mizoramin kan châk leh mamawh zawng zawng kan lakna luhka leh kalkâ ber Silchara covid 19 hri kai hm uh a nih tak si ah chuan khauh lehzuala lock down an kalpui ve ngei a rinawm a. Mipui vantlang a lova kan awm theih loh mamawh hrang hrang (essential commodities) te chu he lock down hian huam ve lo mahse, keini Mizoram mamawh min phuhruk tur leh an sum hnar pawimawh tak ni bawk hi kan silchar unau te hian hripui laka an sahimna aiin min dah pawimawh hmasa ang em tih hi ngaihtuah tham tak niin a lang. Kan dawr liana...

             Nimin leh vawiin lamah local cable TV news report siamin TV crew te nen local task force te duty point hrang hrang leh sawrkar dept hotute titipuiin kan chhuak a. Heta ka thil hmuh thenkhat te hian ngaihtuahna pakhat min neih tir a, chu chu 'Kan hlauh ber hi kan chiang em?' tih hi a ni. A tlangpuiin mipui ten lockdown kalpui mek hi kan zawm tha hle a, khawlaiah tul lova chhuak emaw, dan bawhchhe lui emaw kan awm meuh lo niin a lang. Chutih ru alin, task force te pawhin an ngaimawh lem loh nia lang, mahse kan in lockdown chhan leh kan hlauh ber chiang lo, dan zawm tha viau si mipui zingah kan awm niin ka hria.             Khawlaia chhuak lem lo, thenawm hnaia mite ni awm tak verandah-a mi sawm aia tam mah lo thu khawm hmun hnih thumah ka hmu a. CrPC Sec 144 hmanga mipui pun khawm phal a nih loh chhan leh mahni ina kan inkharkhip thap chhan ...