Emotional/Sentimental Nationalism

-

            Nationalism chu a tawi zawngin mahni ram hmangaihna, pawn lam atanga ti chhe thei laka ram humhim leh venhim duhna, ram thatna tur chauh ngaihtuahna tiin a sawifiah theih mai âwm e. 'Patriotism' nen hian hman pawlh a ni fo nâ a, a inang chiah lo deuh. Chu lam erawh chu sawi zui lo ta ila.

           Nationalism in a ken tel pawimawh tak tak te zingapa mi chu thil tuma chian (conviction) tih chhana chian hi a ni âwm e. Israel/Jew nationalism, an ram an hmangaihna leh an ram tana an insên ralna chanchin ropui tak phênah khuan tawrhna rapthlak tak te, hlawhchhamna beidawnthlak tak leh thua sawifiah mai pawh harsa khawpa mahni insensona te a inphum a. An ramin tui hnianghnar taka an neih theihna tura Simcha Blassa hova an beih chhoh dan te kha nationalist tak tak tan lo chuan han tlin chi ziazang a ni lo. Chutiang bawkin Hitlera kha nunrawng viau mahse, German nationalist dik tak a tih loh theih loh. Ni lo sela chuan, a chanchin ziahna bu, mein kampfa a ziah ang takin lem ziak thiam tak, Pablo Picasso leh Michel de Angelo te angah a chhuak daih maithei!

          Mizo te hian ram kan hmangaih lova, nationalist kan ni lo chu a ni hauh lo. Mahse, nationalista inchhal, ram hmangaihna châng chawia ke pen chhuak tam tak te hi chuan nationalism awmzia leh Mizo nationalist nih awmzia hi kan hre chiang em tih hi chhût tham a awmin ka hria. Nationalist dik tak chuan engmah a hlau lova, chu tih rualin hlauh hun leh hlauh tur dik erawh a hre thung. Mi er, sawisel leh beih avangin a tum a thulh phah ngai lova, sawiselna leh a dik lohna erawh a ngaithla in, a pawm a, amah intih chak lehzualna atan a hmang thin thung. Nationalist dik tak Churchill te, Lee Kuan Yew te, Nelson Mandela chuan an lama tang leh thurualpui tur an neih mumal loh lai pawhin an ram leh mipui te tana tha turah chuan nghet takin an ding a, an nghing lo. Thu inbah fuh loh mai avang te, dodalna leh sawiselna an tawh avang mai mai chu sawi loh, nekchep leh nek sawrna karah pawh pen khat pawhin an hnungtawlh ngai lo. Chu tih rualin, an hming thatna leh hna thawh that avanga fak leh chawimawi an hlawhna te chu an inchelh beh tir lo, thangthar te tan an ropui vanglai takin hmun an kian hlauh zawk. Nationalist dik tak chuan amah leh a thil tha tihah midang te fak leh chawimawi a phût ngai lova, chutiang a tih avanga an sawiselna leh nuihzatna te lek phei chu khin let chu sawi loh, khin thamah a ngai lo zawk thin!

         He darthlalanga hmang hian ram kan hmangaihna, kan hmangaih dan leh kan hmangaih chhan, a tawi zawngin, Mizo ram leh hnam hmangaihtu, Mizo nationalista kan inchhâlna hi nationalism dik tak a innghat nge, phur thut thil tih, pawl hmangaih thil tih leh huho thiltih, a tawi zawngin, kan emotion leh sentimenta innghat zawk le?

Comments

Post a Comment

Popular posts from this blog

Tunlai khawvel leh Kristianna

-
Image
Tunlai Khawvel? :             ‘ Tunlai khawvel’ han tih hian vawiina kan chenna khawvel leh nitina kan nunin a tawn leh a hriatte hi a ni satliah mai lova, American hote tunlai khawvel leh keini Mizoten tunlai khawvel tia kan chhalte hi a inang lo thei viau awm e.Mithiamte chuan ‘tunlai khawvel’ tia kan sawi bika hi hun(period) hnihah an then a.Pakhat zawk chu modern world(tunlai khawvel) tiin an vuah a, a dang leh chu Post-modern world(tunlai khawvel piahlam/hnulam) tiin an vuah ve thung a ni. Modern period(tunlai hun) an tih hun chhung bik hi chuan khawvel puma revolution(inthlak danglamna) hrang hrang-heng Industrial revolution,khawl(machine), inkalpawhna hmanrua-rel leh rel kawng an hmuhchhuah leh siam,inbiakpawhna(communication)-Dak (postal), thirhhrui leh inbiakhlatna(telephone), Agricultural revolution-Thlai tha chi an hmuhchhuah te, lei tihthatna hlo(Fertilizer) chi hrang hrangte leh lo/huan enkawlna hmanrua changkang zawk an hmuhchhuahte leh thildang tam tak, kan n
Read more

Career Guidance

-
Pathianin mihring hmasa ber Adama leh Evi te a siam khan chi inthlah pung a, leilung hi luahkhat turin thu a pe tih Bible-ah kan hmu a. Chu chuan enge a entir le? He leia mihringa kan lo pian hian tih tur/mawhphurhna (responsibility) neiin leh ti hlawhtling turin kan lo piang tihna a ni. He khawvel eng ka lo hmuh phat atang hian ka phak tawk zelah ka mawhphurhna hlen tur a lo inchhawp zel thin. Entir nan, naute chu a pian atanga kum khat velah a lo bawkvak thei a, a hnu deuh ah ding lehin, a kal thin. Chumi hnuah tawng a lo thiam a, sikul a lo kal a, a lo tleirawl a, a lo puitling ta. Heng kan sawi tlem te pawh hi Pathianin a ruat hunbi ang zela mihringin a tih puitlin theih loh chuan piangsual, ramtuileilo, rualban lo a lo ni ta thin a ni. A tawi zawngin, kan damchhung hian mitin hian he khawvel a kan dam khawchhuah a, midang te ruala kan khawsak ve theihna turin kan inzir a, hma kan sawn a, hma lam kan pan a ngai thin. Chumi tih hlawhtlinna kawng pawimawh tak leh puitlinna atana
Read more

Tlawmngaihna leh Tunlai Mizo Nun

-
Hmasang kan pi pu te atanga kan hnam nunzia vawiin thlenga ral lo leh a taka kan la nunpui tak zel te zinga a langsar ber hi thlang dawn ta ila ‘tlawmngaihna’ hi kan thlan chhuah hmasak pawl a ni ngei ang. Chu tih rual chiah chuan ‘hmanlaina’ leh ‘tunlaina’ (tradition vs modernity) chungchanga inhnialna hmun apianga lang tel ve ziah chu he ‘tlawmngaihna’ bawk hi a ni ang. Hei hian kan hnam nuna tlawmngaihna beh ngheh zia a tilang chiang hle awm e. Tlawmngaihna hian awmze ril leh thuk tak a nei a, a huam pawh a zau thei viau awm e. Thu leh hla lama kan mi chhuanvawr te zinga mi, Pu James Dokhuma (L) chuan, “Tlawmngaihna chu chawimawi phut lo chawimawi tlaka nun tumna, chawimawi dawna chawimawi nih chak anga lan tum si lo chunga a ruka chawimawi duh si chunga tlawmngaihna,” tiin a hrilhfiah a ( Hmanlai Mizo Kalphung. p.199). Kan ziak mi chhuanvawr Zikpuii pa pawhin, “Tlawmngaihna chu mihring rilru chhungril thatna, pawn lam nun dan kawng chitin renga lo lang chhuak hi a ni,” ti
Read more