Thil tha ti leh Thil ti tha

-

Han chhiar mai pawhin a danglamna chu kan hmu nghal mai awm e. Hetiang chiah hian thil ti sual leh thil sual ti pawh hi 'ti sual' nge an nih a, 'thil sual ti' an nih tih hian awmzia leh nghawng thui tak a nei thei tlat a ni.
Thil tha tih leh thil tih that te hi a tha lam ve ve an ni a, thil thuhmun leh thil tha tak an ni ve ve mai lo em ni tih zawhna kan neih chuan zawhna zawh âwm tak a ni ngei ang. Chu tih rualin, 'tha' rau rauah thil tha ti leh thil ti tha chu a rawn irh chhuahna rilru, va tih chhuah dan leh chu thil tihin a nghawng dan erawh chu a inpersan thei viau lawi si.
Thil tha ti chuan a thil tih chu 'thil tha'  leh tih tur tha a nih avangin a ti thin a, chhan dang a awm lo. Mi ten an ngaihven em, ti turin an phût em tih lam a ngaihtuah lova, mi tumahin a thil tha tih chu hre dawn miah lo mahse, thil tha tih tur a nih avangin a ti mai thin a, a thil tha tih chu tlângthan tir hluai pawh a tum lem lova, midang pawh a phût hran lem lo. A tawi zawngin, thil tha ti tu chuan a thil tih chhanah chhan dang engmah a mamawh lova, 'thil tha tih tur awm' tih mai chu a rilru leh thil tha a va tih chhan chu a ni mai.
Thil ti tha tu ve thung ten an mamawh ber leh an tih chhan, an rilru ber chu an thil tih midang ten an hriat (recognize) a ni. Thil tha a nih avanga an va tih aiin, thil tih that an tum avanga an tih a ni thin a. Chu vang chuan, an thil tih reng reng chu tha tihsaktu an awm a ngai a, midang an mamawh tlat a ni. Thil ti tha tu chuan thil a tih hma in thil reng rengah 'dik lo' a hmuh hmasak phawt a ngai a, chu chuan a ngaihtuahna thui takin a kaihruai a, amah berin thil tha ti a a inhriat tlat avangin sawisel leh khak a ngaithei meuh thin lo. A thil tih that chuan a thatzia lanna turin midang mit a mamawh a, chu vang chuan midang te hmuh loh leh hriat lova thil tih chu a tan thil harsa tak a ni thin. Chu vangin, thil tha ti tu thil tih chu mi fak leh lawm hlawh hluai lo mahse, a titu rilru puthmang leh tih chhan a dik miau avangin a nghawng pawh a tha tlangpui a, a nghawng an han hmuh chuan mite pawhin chu thil tha titu thil tih chu an hmu a, an fak in, an chawimawi lo thei lo thin. Thil ti tha tu erawh chuan a thil tih nghawng pawh a nghak hman ngai lo! Thil a tih zawh rual rualin midang ten a thil tih that chu an hriat ngei a duh thin a, a nghawng atang ni lova a thil tih atanga fak leh chawimawi dawn a duh thin avangin amah faktu leh chawimawitu te pawh han awm thin bawk mahse, mawihawih zawn vanga fak leh chawimawi an nih tlangpui thin avangin midang te rilru leh thinlungah a tla na rei thei tak tak ngai lo.
Thil tha ti tu nge kan nih a, thil ti tha tu le?

Comments

Post a Comment

Popular posts from this blog

Tunlai khawvel leh Kristianna

-
Image
Tunlai Khawvel? :             ‘ Tunlai khawvel’ han tih hian vawiina kan chenna khawvel leh nitina kan nunin a tawn leh a hriatte hi a ni satliah mai lova, American hote tunlai khawvel leh keini Mizoten tunlai khawvel tia kan chhalte hi a inang lo thei viau awm e.Mithiamte chuan ‘tunlai khawvel’ tia kan sawi bika hi hun(period) hnihah an then a.Pakhat zawk chu modern world(tunlai khawvel) tiin an vuah a, a dang leh chu Post-modern world(tunlai khawvel piahlam/hnulam) tiin an vuah ve thung a ni. Modern period(tunlai hun) an tih hun chhung bik hi chuan khawvel puma revolution(inthlak danglamna) hrang hrang-heng Industrial revolution,khawl(machine), inkalpawhna hmanrua-rel leh rel kawng an hmuhchhuah leh siam,inbiakpawhna(communication)-Dak (postal), thirhhrui leh inbiakhlatna(telephone), Agricultural revolution-Thlai tha chi an hmuhchhuah te, lei tihthatna hlo(Fertilizer) chi hrang hrangte leh lo/huan enkawlna hmanrua changkang zawk an hmuhchhuahte leh thildang tam tak, kan n
Read more

Career Guidance

-
Pathianin mihring hmasa ber Adama leh Evi te a siam khan chi inthlah pung a, leilung hi luahkhat turin thu a pe tih Bible-ah kan hmu a. Chu chuan enge a entir le? He leia mihringa kan lo pian hian tih tur/mawhphurhna (responsibility) neiin leh ti hlawhtling turin kan lo piang tihna a ni. He khawvel eng ka lo hmuh phat atang hian ka phak tawk zelah ka mawhphurhna hlen tur a lo inchhawp zel thin. Entir nan, naute chu a pian atanga kum khat velah a lo bawkvak thei a, a hnu deuh ah ding lehin, a kal thin. Chumi hnuah tawng a lo thiam a, sikul a lo kal a, a lo tleirawl a, a lo puitling ta. Heng kan sawi tlem te pawh hi Pathianin a ruat hunbi ang zela mihringin a tih puitlin theih loh chuan piangsual, ramtuileilo, rualban lo a lo ni ta thin a ni. A tawi zawngin, kan damchhung hian mitin hian he khawvel a kan dam khawchhuah a, midang te ruala kan khawsak ve theihna turin kan inzir a, hma kan sawn a, hma lam kan pan a ngai thin. Chumi tih hlawhtlinna kawng pawimawh tak leh puitlinna atana
Read more

Tlawmngaihna leh Tunlai Mizo Nun

-
Hmasang kan pi pu te atanga kan hnam nunzia vawiin thlenga ral lo leh a taka kan la nunpui tak zel te zinga a langsar ber hi thlang dawn ta ila ‘tlawmngaihna’ hi kan thlan chhuah hmasak pawl a ni ngei ang. Chu tih rual chiah chuan ‘hmanlaina’ leh ‘tunlaina’ (tradition vs modernity) chungchanga inhnialna hmun apianga lang tel ve ziah chu he ‘tlawmngaihna’ bawk hi a ni ang. Hei hian kan hnam nuna tlawmngaihna beh ngheh zia a tilang chiang hle awm e. Tlawmngaihna hian awmze ril leh thuk tak a nei a, a huam pawh a zau thei viau awm e. Thu leh hla lama kan mi chhuanvawr te zinga mi, Pu James Dokhuma (L) chuan, “Tlawmngaihna chu chawimawi phut lo chawimawi tlaka nun tumna, chawimawi dawna chawimawi nih chak anga lan tum si lo chunga a ruka chawimawi duh si chunga tlawmngaihna,” tiin a hrilhfiah a ( Hmanlai Mizo Kalphung. p.199). Kan ziak mi chhuanvawr Zikpuii pa pawhin, “Tlawmngaihna chu mihring rilru chhungril thatna, pawn lam nun dan kawng chitin renga lo lang chhuak hi a ni,” ti
Read more