*Rilru/Thinlung Thlamuanna

-


Ziaktu lâr tak, Dr. Joseph Murphy khan a lehkhabu, The Power of Your Subconscious Mind ah khan 'Rilru leh thinlung thlamuanna tel lo hlawhtlinna a awm ngai lo,' tiin a sawi a, a dik thui hle in ka hria.

Ka ngaihtuah thin...khawlaiah kan han kal a, in leh lo ropui tak tak te, neih thil changkang tak tak nena infam chhungkaw hrang hrang te in leh lo kawtthler tawn tawnah a lo ngîr khup mai a. Tin, mi thenkhat chu that chhuah dan inrualkhâi lo zet, mi thenkhat tan chuan angel hàwl thlak ang maia hlu, thenkhat tan erawh Setana tupa/tunu ni hial âwma mawi leh si te, sum leh pái paipáwn tir chuan engkim min tihsak thei, sum tel lo erawh chuan engmah tihsak thei lo ang chi te, hláwkna chauh ûm, midang ten a hausakna leh sum leh pài zâr an lo zo ve hlau ngawih ngawih, uikawm em em te, thuneitu ten an chhui chhuah leh hriat chhuah hlau ru zek zek chunga kut tling lova sum thawk chhuak nitin tho si te, mahni nihna lo ang puia lang, lemchang nun nena mi ngaihsan hlawh, chhungril lama nun ruak leh khawhar em em lawi si te, inthiam lo ru rauh rauh chunga thil dik lo tih thulh chuang hauh si lo te....Aaa, a tam mai! 

Mak angreng deuh chu dikna (justice) kan tih ngei pawh hi dik lo takin a neih/hlawh chhuah theih tlat asin! Dan hre mi thiam ber ber ruai thei khawpa sum ngah leh hausa te bawk hian an thil tih dik loh te an thup bo va, búktu (court) hmaah thiam lo leh dik lo reng chung hian mi dik leh thiam changah an chhuak leh lel thin! Chung mi te chu an thil tumah chuan hlawhtlingah an inchhál ngei ang a, khawvel mithmuhah pawh an hlawhtling a, thiam an chang ngei mai. Mahse, an rilru a nuam ang em, chhungrilah an inthiam meuh ang maw? Tin, dikna pawh chu 'dik' taka tun din a ni rêng em?

A chunga kan sawi ták zawng zawng te khian an dinhmun thatna leh sânna te, an hlawhtlinna te khi chhungrila mahni inthiam lohna leh inchhirna rilru, a sap tawnga guilt/guilty complex neih phahna atan an hmang ang em? Lo hman phah ta se, chu chu hlawhtlinnaa chhiar chi a ni ang em? Kan thawhrim rah te, kan thawh chhuah te, kan hah man kan hmuh te hi zan mut tuina atana kan hman loh va, kan thlamuanna leh rilru leh thinlung hahchawlhna min thlentu leh siamsaktu an nih si loh chuan chu hlawhtlinna chu eng hlawhtlinna nge ni ang a, hlawhtlinnaa chhiar chi leh chhiar tlâk pawh a lo ni réng em tih hi hringnun zawhna pawimawh pàwl tak a niin ka hria.

Comments

Post a Comment

Popular posts from this blog

Tunlai khawvel leh Kristianna

-
Image
Tunlai Khawvel? :             ‘ Tunlai khawvel’ han tih hian vawiina kan chenna khawvel leh nitina kan nunin a tawn leh a hriatte hi a ni satliah mai lova, American hote tunlai khawvel leh keini Mizoten tunlai khawvel tia kan chhalte hi a inang lo thei viau awm e.Mithiamte chuan ‘tunlai khawvel’ tia kan sawi bika hi hun(period) hnihah an then a.Pakhat zawk chu modern world(tunlai khawvel) tiin an vuah a, a dang leh chu Post-modern world(tunlai khawvel piahlam/hnulam) tiin an vuah ve thung a ni. Modern period(tunlai hun) an tih hun chhung bik hi chuan khawvel puma revolution(inthlak danglamna) hrang hrang-heng Industrial revolution,khawl(machine), inkalpawhna hmanrua-rel leh rel kawng an hmuhchhuah leh siam,inbiakpawhna(communication)-Dak (postal), thirhhrui leh inbiakhlatna(telephone), Agricultural revolution-Thlai tha chi an hmuhchhuah te, lei tihthatna hlo(Fertilizer) chi hrang hrangte leh lo/huan enkawlna hmanrua changkang zawk an hmuhchhuahte leh thildang tam tak, kan n
Read more

Career Guidance

-
Pathianin mihring hmasa ber Adama leh Evi te a siam khan chi inthlah pung a, leilung hi luahkhat turin thu a pe tih Bible-ah kan hmu a. Chu chuan enge a entir le? He leia mihringa kan lo pian hian tih tur/mawhphurhna (responsibility) neiin leh ti hlawhtling turin kan lo piang tihna a ni. He khawvel eng ka lo hmuh phat atang hian ka phak tawk zelah ka mawhphurhna hlen tur a lo inchhawp zel thin. Entir nan, naute chu a pian atanga kum khat velah a lo bawkvak thei a, a hnu deuh ah ding lehin, a kal thin. Chumi hnuah tawng a lo thiam a, sikul a lo kal a, a lo tleirawl a, a lo puitling ta. Heng kan sawi tlem te pawh hi Pathianin a ruat hunbi ang zela mihringin a tih puitlin theih loh chuan piangsual, ramtuileilo, rualban lo a lo ni ta thin a ni. A tawi zawngin, kan damchhung hian mitin hian he khawvel a kan dam khawchhuah a, midang te ruala kan khawsak ve theihna turin kan inzir a, hma kan sawn a, hma lam kan pan a ngai thin. Chumi tih hlawhtlinna kawng pawimawh tak leh puitlinna atana
Read more

Tlawmngaihna leh Tunlai Mizo Nun

-
Hmasang kan pi pu te atanga kan hnam nunzia vawiin thlenga ral lo leh a taka kan la nunpui tak zel te zinga a langsar ber hi thlang dawn ta ila ‘tlawmngaihna’ hi kan thlan chhuah hmasak pawl a ni ngei ang. Chu tih rual chiah chuan ‘hmanlaina’ leh ‘tunlaina’ (tradition vs modernity) chungchanga inhnialna hmun apianga lang tel ve ziah chu he ‘tlawmngaihna’ bawk hi a ni ang. Hei hian kan hnam nuna tlawmngaihna beh ngheh zia a tilang chiang hle awm e. Tlawmngaihna hian awmze ril leh thuk tak a nei a, a huam pawh a zau thei viau awm e. Thu leh hla lama kan mi chhuanvawr te zinga mi, Pu James Dokhuma (L) chuan, “Tlawmngaihna chu chawimawi phut lo chawimawi tlaka nun tumna, chawimawi dawna chawimawi nih chak anga lan tum si lo chunga a ruka chawimawi duh si chunga tlawmngaihna,” tiin a hrilhfiah a ( Hmanlai Mizo Kalphung. p.199). Kan ziak mi chhuanvawr Zikpuii pa pawhin, “Tlawmngaihna chu mihring rilru chhungril thatna, pawn lam nun dan kawng chitin renga lo lang chhuak hi a ni,” ti
Read more