Thalaite leh Infiamna

-


·         Mizo ten infiamna kan ngaihdan (perception) thlak danglam a ngai: Infiamna lama kal tum ten lehkha zir hlamchhiah tur emaw kan ti a, zirna leh infiamna hi a kalkawp thei tih kan hre lo. Eg: Simon Mignolet hi Political Science Graduate, tawng chi nga a thiam, Wladimir Klitchko, World Heavyweight Champion hi sports science-a Ph.d a ni a, tawng chi li a thiam, Giorgio Chiellini, Bachelor degree in Economics and Commerce, Frank Lampard, Bachelor degree in Latin. Sports  academy tha reng rengah hian uluk taka zirna kalpui vek a ni.
·         Mahni inthunnuna (Self-Discipline) zirna tha a ni: Tih tak taka infiamna luhchilh leh hlawhtlin tum tan chuan insumtheih, tumruh, tawrhchhel, taihmak leh inpek pumhlum a ngai. Heng te hi khawi university syllabus maha tel lo leh lehkhabu kaltlanga inzirtir theih loh a ni. Hmanni lawka Youth Olympics weightlifting competition gold medal latu Jeremy Lalrinnunga leh India international hockey player, Lalremsiami te kha khawvelleh India in a hriat hma kum 10/15 chhung khan an infiamna kaltlangin anmahni leh anmahni an lo inthunun ngat ngat a hlawhtlinna ropui tak an lo chang ta a ni.
·         Infiamna hi eizawnna tling leh eizawnna tlak a ni: Nikum May 2018 thleng khan India rampumah hian thalai kum 19 atanga kum 29 inkar zingah lehkhathiam hna zawng lai mi maktaduai 32 an awm. Kumtinin a sang tel an graduate a, a sang telin post graduate leh doctorate degree an zo chhuak thin. Sawrkar hna chauh hi eizawnna emaw i ti lovang u. Khawvel huap chu sawi lovin, India infiammi te hi sawi tai la. PV Sindhu hian 2017-2018 khan a inkhelhna leh advertisement atangin vaibelchhe 56 a lalut a, Jeje Lalpekhlua hian ISL season khatah nuai130 a hlawh a, Serchhip tlangval Daniel Lalhlimpuia hian ISLseason khatah nuai 60 a hlawh. Tih tak takna nena beitute tan chuan infiamna hi eizawnna a ni satliah mail ova, hausakna tham a ni. India sorkar hian Olympic-a gold medal la te chu nuai 75, silver medal nuai 70, bronze medal nuai 30, Commonwealth Games gold medal nuai 30, Silver medal nuai 20, bronze medal nuai 10. Mizoram sawrkar pawhin, eng party pawh sawrkar se, sports cash incentive award a siam vek. Hmanni lawka Dr.T.Ao Memorial Football Championships a champion Mizoram U-21 player te khan Rs. 20000/- theuh an dawng.

Mi faten eizawnna atan leh chhungkaw chawmna atan infiamna, an tui leh thiam zawng tak an hmang tangkai a. Educational qualification sang tak tak nei, thawh turin a daih si loh an tei suau suau laiin, a nuai tel an lo pet chhuakin, an lo chawi chhuak a, an lo vaw chhuak thung. Infiamna hi hunawl hnawhkhahna satliah mai atan leh nu leh pate sumpai khawhralna, zirna tihchhiat phahna atan chuan a uiawm lutuk. Eizawnna atan lo hmang la, lo hausakpuiin lo dinchhuahpui tum ve tawh teh!

(He article hi NYK, Serchhip leh MZP Sub-Headquarter, Serchhip tangkawp ten an buatsaih, Youth Convention-a ka thusawi kaihtawi a ni)

Comments

Post a Comment

Popular posts from this blog

Tunlai khawvel leh Kristianna

-
Image
Tunlai Khawvel? :             ‘ Tunlai khawvel’ han tih hian vawiina kan chenna khawvel leh nitina kan nunin a tawn leh a hriatte hi a ni satliah mai lova, American hote tunlai khawvel leh keini Mizoten tunlai khawvel tia kan chhalte hi a inang lo thei viau awm e.Mithiamte chuan ‘tunlai khawvel’ tia kan sawi bika hi hun(period) hnihah an then a.Pakhat zawk chu modern world(tunlai khawvel) tiin an vuah a, a dang leh chu Post-modern world(tunlai khawvel piahlam/hnulam) tiin an vuah ve thung a ni. Modern period(tunlai hun) an tih hun chhung bik hi chuan khawvel puma revolution(inthlak danglamna) hrang hrang-heng Industrial revolution,khawl(machine), inkalpawhna hmanrua-rel leh rel kawng an hmuhchhuah leh siam,inbiakpawhna(communication)-Dak (postal), thirhhrui leh inbiakhlatna(telephone), Agricultural revolution-Thlai tha chi an hmuhchhuah te, lei tihthatna hlo(Fertilizer) chi hrang hrangte leh lo/huan enkawlna hmanrua changkang zawk an hmuhchhuahte leh thildang tam tak, kan n
Read more

Career Guidance

-
Pathianin mihring hmasa ber Adama leh Evi te a siam khan chi inthlah pung a, leilung hi luahkhat turin thu a pe tih Bible-ah kan hmu a. Chu chuan enge a entir le? He leia mihringa kan lo pian hian tih tur/mawhphurhna (responsibility) neiin leh ti hlawhtling turin kan lo piang tihna a ni. He khawvel eng ka lo hmuh phat atang hian ka phak tawk zelah ka mawhphurhna hlen tur a lo inchhawp zel thin. Entir nan, naute chu a pian atanga kum khat velah a lo bawkvak thei a, a hnu deuh ah ding lehin, a kal thin. Chumi hnuah tawng a lo thiam a, sikul a lo kal a, a lo tleirawl a, a lo puitling ta. Heng kan sawi tlem te pawh hi Pathianin a ruat hunbi ang zela mihringin a tih puitlin theih loh chuan piangsual, ramtuileilo, rualban lo a lo ni ta thin a ni. A tawi zawngin, kan damchhung hian mitin hian he khawvel a kan dam khawchhuah a, midang te ruala kan khawsak ve theihna turin kan inzir a, hma kan sawn a, hma lam kan pan a ngai thin. Chumi tih hlawhtlinna kawng pawimawh tak leh puitlinna atana
Read more

Tlawmngaihna leh Tunlai Mizo Nun

-
Hmasang kan pi pu te atanga kan hnam nunzia vawiin thlenga ral lo leh a taka kan la nunpui tak zel te zinga a langsar ber hi thlang dawn ta ila ‘tlawmngaihna’ hi kan thlan chhuah hmasak pawl a ni ngei ang. Chu tih rual chiah chuan ‘hmanlaina’ leh ‘tunlaina’ (tradition vs modernity) chungchanga inhnialna hmun apianga lang tel ve ziah chu he ‘tlawmngaihna’ bawk hi a ni ang. Hei hian kan hnam nuna tlawmngaihna beh ngheh zia a tilang chiang hle awm e. Tlawmngaihna hian awmze ril leh thuk tak a nei a, a huam pawh a zau thei viau awm e. Thu leh hla lama kan mi chhuanvawr te zinga mi, Pu James Dokhuma (L) chuan, “Tlawmngaihna chu chawimawi phut lo chawimawi tlaka nun tumna, chawimawi dawna chawimawi nih chak anga lan tum si lo chunga a ruka chawimawi duh si chunga tlawmngaihna,” tiin a hrilhfiah a ( Hmanlai Mizo Kalphung. p.199). Kan ziak mi chhuanvawr Zikpuii pa pawhin, “Tlawmngaihna chu mihring rilru chhungril thatna, pawn lam nun dan kawng chitin renga lo lang chhuak hi a ni,” ti
Read more