Nun Lungawi

-


A thupui hi ka vuah fuh chiah em pawh ka hre lo! Mi ngo thufing pakhat chuan "Mahni nun lungawipui/Nun lungawi nei te hi mi hlawhtling te aiin an awhawm záwk' tiin a sawi a. 'Mahni dinhmun leh nihna lungawipui te hi mi hlawhtling te aiin an awhawm záwk' tiin emaw, 'mahni dinhmuna lungawi te hi mi hlawhtling ber te chu an ni' ti te pawhin han zeldin ta zel ila, a sual em em âwm love.

He thufing hi dik ka tih em em chhan chu a sawifiahnaah a awm nghal a (tunge a sawifiahtu pawh chu ka hre tawh chuang lem hlei law!). Chu hrilhfiahnaah chuan, 'mi hlawhtling te hi chu midang ten hlawhtlinga an ngaih/an tehnaa mi hlawhtling nih a ngai a, nun lungawi nei te erawh chu midang te tehnaah a innghat lova, mahni intehnaah a innghat a ni' tih a ni.

Mihring thinlung hian dam chhung tâwi té a a zawn nasat ber te zingah hian lungawina hi a tlar hmasa lamah a thut ve ngei ka ring. Kan lungawina leh kan nun ti lungawitu erawh chu a inang hauh lovang. Chu lungawina kan zawnna mual leh kan zawn dan te, tin, kan thil zawn chu hmu ta tehreng pawh ni ila, kan lungawipui dan thleng pawhin a inchen kher lovang. Chu mai bakah, mihring nihna leh ze chhungril hi thui tak chu kan mihringpui te min hmuh dan leh min teh dan azira kan nihpui leh put tâk tam tak pawh a awm thei âwm e. Mahse, chu lungawina chu nun lungawi, ni hnih khat lek emaw, kum hnih khat lek daih emaw, min tehtu ten min teh tlin loh hun huna táwp leh mai tur a nih chuan tuna kan sawi, 'nun lungawi/lungawi nun' hi chu a ni pha chiahin ka ring lo. A chhan chu, he lungawina hi chuan dam chhung a daih tlat mai a, hlawhtlinna leh hlawhchhamna pawh Rudyard Kiplinga thu châng ang deuh khan, angkhat rengin a dawngsawng thei tlat a. Eng dinhmunah pawh ding se, kum that ni leh kum chhiat ni ah pawh lungawina in a khat reng dawn tihna ni âwm tak a ni. Chu lungawina ngei chu a ni neih ve ngei ka duh chu.. Tin, chutiang ang nun lungawi nei te chu hlawhtlinna sâng ber chang pha leh mi hlawhtling ber te zinga chhiar ngei tur an ni pawhin ka hria.

Nang nun lungawi/lungawi nun hi i nei ve em?

Comments

Post a Comment

Popular posts from this blog

Tunlai khawvel leh Kristianna

-
Image
Tunlai Khawvel? :             ‘ Tunlai khawvel’ han tih hian vawiina kan chenna khawvel leh nitina kan nunin a tawn leh a hriatte hi a ni satliah mai lova, American hote tunlai khawvel leh keini Mizoten tunlai khawvel tia kan chhalte hi a inang lo thei viau awm e.Mithiamte chuan ‘tunlai khawvel’ tia kan sawi bika hi hun(period) hnihah an then a.Pakhat zawk chu modern world(tunlai khawvel) tiin an vuah a, a dang leh chu Post-modern world(tunlai khawvel piahlam/hnulam) tiin an vuah ve thung a ni. Modern period(tunlai hun) an tih hun chhung bik hi chuan khawvel puma revolution(inthlak danglamna) hrang hrang-heng Industrial revolution,khawl(machine), inkalpawhna hmanrua-rel leh rel kawng an hmuhchhuah leh siam,inbiakpawhna(communication)-Dak (postal), thirhhrui leh inbiakhlatna(telephone), Agricultural revolution-Thlai tha chi an hmuhchhuah te, lei tihthatna hlo(Fertilizer) chi hrang hrangte leh lo/huan enkawlna hmanrua changkang zawk an hmuhchhuahte leh thildang tam tak, kan n
Read more

Career Guidance

-
Pathianin mihring hmasa ber Adama leh Evi te a siam khan chi inthlah pung a, leilung hi luahkhat turin thu a pe tih Bible-ah kan hmu a. Chu chuan enge a entir le? He leia mihringa kan lo pian hian tih tur/mawhphurhna (responsibility) neiin leh ti hlawhtling turin kan lo piang tihna a ni. He khawvel eng ka lo hmuh phat atang hian ka phak tawk zelah ka mawhphurhna hlen tur a lo inchhawp zel thin. Entir nan, naute chu a pian atanga kum khat velah a lo bawkvak thei a, a hnu deuh ah ding lehin, a kal thin. Chumi hnuah tawng a lo thiam a, sikul a lo kal a, a lo tleirawl a, a lo puitling ta. Heng kan sawi tlem te pawh hi Pathianin a ruat hunbi ang zela mihringin a tih puitlin theih loh chuan piangsual, ramtuileilo, rualban lo a lo ni ta thin a ni. A tawi zawngin, kan damchhung hian mitin hian he khawvel a kan dam khawchhuah a, midang te ruala kan khawsak ve theihna turin kan inzir a, hma kan sawn a, hma lam kan pan a ngai thin. Chumi tih hlawhtlinna kawng pawimawh tak leh puitlinna atana
Read more

Tlawmngaihna leh Tunlai Mizo Nun

-
Hmasang kan pi pu te atanga kan hnam nunzia vawiin thlenga ral lo leh a taka kan la nunpui tak zel te zinga a langsar ber hi thlang dawn ta ila ‘tlawmngaihna’ hi kan thlan chhuah hmasak pawl a ni ngei ang. Chu tih rual chiah chuan ‘hmanlaina’ leh ‘tunlaina’ (tradition vs modernity) chungchanga inhnialna hmun apianga lang tel ve ziah chu he ‘tlawmngaihna’ bawk hi a ni ang. Hei hian kan hnam nuna tlawmngaihna beh ngheh zia a tilang chiang hle awm e. Tlawmngaihna hian awmze ril leh thuk tak a nei a, a huam pawh a zau thei viau awm e. Thu leh hla lama kan mi chhuanvawr te zinga mi, Pu James Dokhuma (L) chuan, “Tlawmngaihna chu chawimawi phut lo chawimawi tlaka nun tumna, chawimawi dawna chawimawi nih chak anga lan tum si lo chunga a ruka chawimawi duh si chunga tlawmngaihna,” tiin a hrilhfiah a ( Hmanlai Mizo Kalphung. p.199). Kan ziak mi chhuanvawr Zikpuii pa pawhin, “Tlawmngaihna chu mihring rilru chhungril thatna, pawn lam nun dan kawng chitin renga lo lang chhuak hi a ni,” ti
Read more